Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Մեր օրերի պարադոքսը

Երբ մահանում է 70-80-ականների հայտնի ամերիկացի երգիծաբան Ջորջ Կառլինի կինը, նա գրում է այս տպավորիչ հոդվածը.

«Մեր օրերի պարադոքսը կայանում է նրանում, որ մենք ունենք բարձր շինություններ, բայց ցածր հանդուրժողականություն, լայն մայրուղիներ, բայց նեղ հայացքներ: Մենք ծախսում ենք շատ, բայց ունենք քիչ, գնում ենք շատ, բայց վայելում ենք քիչ: Մենք ունենք մեծ տներ, բայց փոքր ընտանիքներ, շատ հարմարավետություններ, բայց քիչ ժամանակ:
Ունենք շատ որակավորումներ, բայց քիչ բանականություն, շատ գիտելիքներ, բայց քիչ վճռականություն, շատ մասնագետներ, բայց ավելի շատ խնդիրներ, շատ բժշկություն, բայց քիչ առողջություն:

Մենք խմում ենք չափից շատ, ծխում ենք չափից շատ, ծախսում ենք անպատասխանատու, ծիծաղում ենք շատ քիչ, վարում ենք շատ արագ, շատ ենք ջղայնանում, շատ ուշ ենք քնում, շատ հոգնած ենք զարթնում, շատ քիչ ենք կարդում, չափից շատ ենք հեռուստացույց դիտում և հազվադեպ ենք աղոթում: Ավելացրել ենք մեր ունեցվածքը, բայց քչացրել ենք արժեքները: Մենք չափից շատ ենք խոսում, սիրում ենք հազվադեպ և ատում ենք հաճախ:

Մենք սովորել ենք վաստակել կյանքում, բայց ոչ ապրել: Մենք ավելացնում ենք տարիներ կյանքին, բայց ոչ կյանք տարիներին: Մենք հասել ենք Լուսնին և ետ ենք վերադարձել, բայց դժվարությամբ ենք անցնում փողոցը` նոր հարևանին հանդիպելու: Մենք գրավել ենք արտաքին տարածությունները, բայց ոչ ներքին: Մենք անում ենք մեծ գործեր, բայց ոչ լավագույնները: Մաքրում ենք օդը, բայց աղտոտում ենք հոգին:

Մենք գրում ենք շատ, բայց սովորում ենք քիչ: Պլանավորում ենք շատ, բայց հասնում ենք քչին: Սովորել ենք շտապել, բայց ոչ սպասել: Ստեղծում ենք շատ համակարգիչներ, բայց շփվում ենք ավելի ու ավելի քիչ:

Շարունակությունը վաղը…

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

13 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»