Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հետաքրքիր է

Ապրել մինչև վերջ. Ջեյն Քալմենթ

Ֆրանսուհի Ջեյն Քալմենթը սահմանել է երկար ապրելու համաշխարհային նոր ռեկորդ՝ 122 տարի և 164 օր: Հավանաբար ճակատագրին դուր էր գալիս, թե ինչպես է ապրում մադամ Քալմենթը:

Նա ծնվել է 1875թ-ին: Երբ կառուցեցին Էյֆելյան աշտարակը, նա ընդամենը 14 տարեկան էր: 1888թ-ին նա խանութում պատահական հանդիպում է Վան Գոգին և ինչպես ինքն է նկարագրում. «Նա կեղտոտ էր, վատ հագնված և մռայլ»:

85 տարեկանում նա զբաղվում էր սուսերամարտով, իսկ 100-ում հեծանիվ էր քշում: 114 տարեկանում Ջեյնը նկարահանվում է ֆիլմում, 115-ում վիրահատվում է, իսկ 117-ում թողնում է ծխելը: Ուղղակի այդ ժամանակ նա գրեթե կորցրել էր տեսողությունը և նրան անհարմար էր ամեն անգամ ծխախոտ խնդրել:

90 տարեկանում Ջեյնն այլևս չի ունենում ժառանգորդներ: Նա պայմանագիր է կնքում 47-ամյա իրավաբան Ռաֆրիի հետ, որը պետք է ժառանգեր ծեր կնոջ տունը, եթե մինչև նրա կյանքի վերջ, ամեն ամիս, վարձավճարներ վճարեր: Տան արժեքը մոտավորապես այնքան էր, որքան նա կվճարեր 10 տարվա ընթացքում: Բայց ճակատագիրը այլ բան էր նախատեսել: Ռաֆրին ոչ միայն վճարում է կնոջը 30 տարի շարունակ, այլ նաև մահանում է նրանից շուտ՝ 77 տարեկան հասակում, իսկ վճարումներն, ըստ օրենքի, շարունակում է նրա այրին:

Ջեյն Քալմենթը մահանում է 1997թ-ին: Երբ 122-ամյա տարելիցին նրան հարցնում են, թե իր կարծիքով ինչպիսին է լինելու իր ապագան, նա պատասխանում է. «Շատ կարճ»:

Ջեյն Քալմենթի պատմությունը ցույց է տալիս, որ ապրել պետք է ցանկացած տարիքում: Այնպես չէ, որ եթե մեծ ես, ուրեմն կյանքդ վերջացել է: Քանի կա հնարավորություն, քանի դեռ շնչում ես, ուրեմն անելիքներ ունես:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

11 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»