Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ

Ազատվեք այն ամենից, ինչը Ձեզ պետք չէ

Իմ կյանքում ինչ–որ պահից ես ինձ սկսեցի շատ լավ զգալ: Լավ զգալ ոչ միայն ֆիզիկապես, այլ ընդհանուր. ես ինձ ավելի թեթև էի զգում, ավելի քիչ էի լարվում, ուղեղումս խառնաշփոթ չէր, կյանքիս հետագա քայլերը հստակ էին: Պատճառն այն էր, որ ես հասկացա, թե ինչ եմ ուզում կյանքում: Կային նաև այլ պատճառներ, որոնք, կարծում եմ, ինձ շատ օգնեցին այդ հարցում: Դրանցից ամենագլխավոր երեքը հետևյալն են. ես սկսեցի ընդհանրապես հեռուստացույց չդիտել, թողեցի ծխելը և սկսեցի չօգտագործել ոգելից խմիչքներ: Այժմ, երբ նայում եմ այդ երեք սովորություններին, որոնք նախկինում ունեի, հասկանում եմ, որ շատ ճիշտ եմ վարվել, որովհետև դրանք ինձ դրական ոչինչ չէին տալիս: Դրանք միայն շեղող հանգամանքներ էին:

Երբեմն ինձ հարցնում են. «Ինչպե՞ս ես կարողանում չխմել, իսկ ո՞ւր մնաց ժամանցը»: Իսկ ես պատասխանում եմ, որ ինձ համար ժամանցը վաղուց արդեն խմելն ու ծխելը չեն: Իմ ժամանցը ստեղծելն ու ինքնակատարելագործվելն է: Իսկ երբ գալիս են պահեր, երբ հոգնում եմ, ժամանցի շատ այլ ձևեր կան. կարող եմ կնոջս հետ զբոսնել, լավ ֆիլմ դիտել, թատրոն գնալ, ընկերներիս հետ բոուլինգ խաղալ կամ մի քանի օրով գնալ Հայաստանի գողտրիկ անկյուններից մեկը՝ հանգստանալու: Ես կարող եմ կազմակերպել իմ ժամանցը այնպես, ինչպես ուզում եմ, և այդտեղ ոչ մի դեր չեն խաղում խմելը, ծխելը կամ հեռուստացույց դիտելը: Ինձ համար այդ երեքը վնասակար սովորություններ էին, որոնցից ազատվելը իմ կյանքի ամենակարևոր քայլերից էր:

Հատված «Փոխիր կյանքդ» գրքից:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

5 մեկնաբանություն

  • Չեմ ստի, նայում եմ հեռուստացույց և վաղուց է ինչ ուզում եմ նրան, բայց դա միակ բանն է, որի շուրջ հավաքվում ենք ընտանիքով: Ես ուղղակի չեմ ուզում բաց թողնել ընտանիքիս հետ լինելու հաճույքը, նամանավանդ երբ զվարճալի հաղորդումներ ենք նայում:Կարծում եմ երջանկության գաղտնիքը ամուր ընտանիքն է

  • Հեռուստացույց չեմ դիտում, չեմ ծխում, չեմ խմում, և կարծում եմ, որ յուրաքանչյուր մարդ նախ առաջին հերթին ինքն իր համար պետք է հետաքրքիր լինի, ինքն իր հետ կարողանա լավ ժամանակ անցկացնի, իսկ հեռուստացույցը, խմիչքները, ծխելը, դրանք այն ճոխություններն են, որոնք թույլ են տալիս իրենց այն մարդիկ, ովքեր երազում են իրենց ներկայությունից ազատվել, ահա ողջ ճշմարտությունը: Երբեմն մտածեք, եթե դուք ձեր ներկայությունից խորշում եք, միթե ուրիշներին հաճելի է ձեզ հետ? առավել ևս ձեր ծխախոտի հոտը և գինովցած վիճակը ((((.

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»