Հարմարավետության գոտի - Հաջողության բլոգ
 
 

Գրքեր անձնային աճի մասին

Այս գրքերը հարուստ դառնալու մասին չեն, այլ ներդաշնակ և գիտակից կյանք ունենալու: Դրանցում ներկայացված է ճանապարհ՝ շարունակական աճի և ինքնակատարելագործման: Գրքերի հեղինակն այդ ճանապարհը սկսեց 2009 թ, և փուլ առ փուլ ներկայացնում է փոփոխությունները, որոնք տեղի են ունենում իր կյանքում և որոնք կարող են տեղի ունենալ Ձեր կյանքում, իր գրքերում: Ներկայացված են մի շարք պրակտիկ խորհուրդներ, պատմություններ, առակներ, փիլիսոփայություն:


   


Հաջողության գաղտնիքներ

Հարմարավետության գոտի

Այս հոդվածում ուզում եմ խոսել հարմարավետության գոտու մասին: Երբ դու տանը նստած ես քո սեփական բազկաթոռին, հեռակառավարման վահանակով փոխում ես հեռուստացույցի ալիքները, հեռախոսը չի զանգում, տանից դուրս գալու պատճառներ չկան, դուռը ներսից ամուր փակ է. ինչ լավ է, չէ՞: Դու հանգիստ ես, ոչինչ քեզ չի անհանգստացնում, դու գտնվում ես քո ափսեի մեջ, դու գտնվում ես քո հարմարավետության գոտում: Հանկարծ հեռակառավարման վահանակը փոխվում, դառնում է կախարդական և այն առաջ է տալիս ոչ թե հեռուստացույցի ալիքները, այլ կյանքի տարիները: Առաջ ես տալիս կյանքդ 20 տարով և ի՞նչ. դու տանը նստած ես քո սեփական բազկաթոռին, հեռակառավարման վահանակով փոխում ես հեռուստացույցի ալիքները, հեռախոսը չի զանգում, տանից դուրս գալու պատճառներ չկան, դուռը ներսից ամուր փակ է: Ամեն ինչ նույնն է… Ինչո՞ւ: Որովհետև այդ ողջ ընթացքում դու խուսափում էիր դուրս գալ քո հարմարավետության գոտուց:

Հարմարավետության գոտու մասին այս բլոգում շատ հոդվածներ եմ գրել և պատրաստ եմ դեռ շատ գրելու, քանի որ թեման իրոք կարևոր է: Հարմարավետության գոտին երբեմն տաք վերմակով այնպես է պարուրում մարդկանց, որ նրանք չեն ուզում իրենց վրայից գցեն այդ վերմակը, վեր կենան քայլեն, առաջ շարժվեն, փոխեն իրենց նախկին դիրքը. փոխեն իրենց կյանքը: Հարմարավետության գոտին ասում է. «Քանի դեռ դու ինձ հետ ես, քեզ ոչինչ չի սպառնում: Մնա՛ ինձ հետ»: Բայց հարմարավետության գոտին լռում է հետևյալի մասին. «Քանի դեռ դու ինձ հետ ես, դու միշտ էլ կունենաս այն արդյունքները, որոնք ունեցել ես նախկինում: Քո կյանքում երբեք մեծ փոփոխություններ չեն լինի»: Հարգելի ընթերցող, հարմարավետության գոտում տաք է, դրանից դուրս գալը` վախենալու, բայց փորձեք անընդհատ դուրս գալ ձեր հարմարավետության գոտուց, ընդլայնեք ձեր աշխարհայացքը, ընդլայնեք ձեր հնարավորությունները: Դժվար է անսահմանափակության ժամանակներում ապրել սահմանափակ շրջանակներում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

6 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»