Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Ամենաթանկարժեք բանը. առակ

Մի մարդ մանուկ հասակում շատ մոտ էր իր հարևան ծերունու հետ: Բայց ժամանակն անցնում էր, առջևում քոլեջն էր ու հետաքրքրությունները, հետո աշխատանքն ու անձնական կյանքը: Ամեն րոպե երիտասարդը զբաղված էր և նույնիսկ ժամանակ չուներ անցյալը հիշելու և հարազատների հետ շփվելու համար:

Մի օր նա իմանում է, որ հարևան ծերունին մահացել է և հանկարծ հիշում է, թե ինչքան բան է նա սովորեցրել իրեն՝ փորձելով փոխարինել մահացած հորը:

Նա մեկնում է թաղման: Արարողությունից հետո տղամարդը մտնում է հանգուցյալի դատարկված տունը: Ամեն ինչ այնպես էր, ինչպես տարիներ առաջ: Միայն փոքրիկ ոսկե տուփը չկար, որում, ինչպես ծերունին էր պատմում, նա պահում էր իր համար ամենաթանկարժեք իրը: Մտածելով, որ տուփը երևի գողացել է ծերունու բազմաթիվ բարեկամներից մեկը, տղամարդը լքում է տունը:

Սակայն երկու շաբաթ անց նա ծանրոց է ստանում: Ծանրոցի վրա հարևանի անունն էր: Փշաքաղվելով՝ տղամարդը բացում է ծանրոցը. ներսում հենց այն ոսկե տուփն էր: Դրա մեջ դրված էր ոսկյա ժամացույց՝ հետևյալ փորագրությամբ. «Շնորհակալություն այն ժամանակի համար, որն անցկացրել ես ինձ հետ»: Եվ տղամարդը հասկանում է, որ ծերունու համար ամենաթանկարժեք բանը այն ժամանակն էր, որ նա անցկացնում էր իր փոքրիկ ընկերոջ հետ:

Հ.Գ.
Սա ինձ համար շատ ցավալի թեմա է: Երբեմն այնքան դժվար է ժամանակ անցկացնել հարազատների հետ ու զբաղվել սիրած գործով: Բայց ամեն դեպքում պետք է կարողանալ գտնել միջինը: Չպետք է տուժի ոչ մեկը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

6 մեկնաբանություն

  • Շնորհակալություն, LUKA ջան, շատ ցավալի է, կարծում եմ, շատերիս համար:
    Ես մի գեղեցիկ առաջարկություն ունեմ. Եկեք այսօր կամ վաղը անակնկալ մատուցենք մեր ծնողներին: Խոսքս այն անակնկալի մասին է, որ հաճախ տղաները (ինչու ոչ, նաեւ աղջիկները) անում են իրենց զուգընկերոջը: ,,Ես սիրում եմ քեզ,, արտահայտությունը մատուցենք հետաքրքիր, օրիգինալ ձեւով: Օրինակ, մասսայական, ծաղիկներով, պատշգամբին փակցնելով…
    Սիրելի ընթերցողներ, կարող եք դուք ել առաջարկեք ձեր տարբերակները, եթե իհարկե LUKA-ն դեմ չէ:::ՃՃՃ.

  • Շնորհակալություն, LUKA ջան, շատ ցավալի է, կարծում եմ, շատերիս համար:
    Ես մի գեղեցիկ առաջարկություն ունեմ. Եկեք այսօր կամ վաղը անակնկալ մատուցենք մեր ծնողներին: Խոսքս այն անակնկալի մասին է, որ հաճախ տղաները (ինչու ոչ, նաեւ աղջիկները) անում են իրենց զուգընկերոջը: ,,Ես սիրում եմ քեզ,, արտահայտությունը մատուցենք հետաքրքիր, օրիգինալ ձեւով: Օրինակ, մասսայական, ծաղիկներով, պատշգամբին փակցնելով…
    Սիրելի ընթերցողներ, կարող եք դուք ել առաջարկեք ձեր տարբերակները, եթե իհարկե LUKA-ն դեմ չէ:::ՃՃՃ.

  • Ինչպես հասկացա զբաղվածության խնդիրը միայն ինձ չէ, որ անհանգստացնում է… անընդհատ փորձում եմ գործերս այնպես դասվորեմ, որ հարազաներիս չանտեսեմ, սակայն միշտ չէ, որ ստացվում է :((

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»