Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Բիզնես և ֆինանսներ

Ինչպես աշխատել առաջին միլիոնը

Երևի լսած կլինեք, որ շատ միլիոնատերեր, երբ նրանց հարցնում են, ինչն էր ձեզ համար ամենադժվարը, պատասխանում են. «Դժվարն առաջին միլիոնն աշխատելն էր»: Խոսքն այստեղ հենց մեկ միլիոն թվին չի վերաբերվում: Խոսքը վերաբերվում է նրան, որ մարդը սովորում է ինքնուրույն փող աշխատել: Իսկ երբ դա նրա մոտ ստացվում է մեկ անգամ, այդուհետ դա նրա մոտ կարող է ստացվել բազմաթիվ անգամներ:

Իրականում ինքնուրույն փող աշխատելը հեշտ չէ: Խոսքը վերաբերվում է ոչ թե աշխատավարձին (դա էլ է ինքնուրույն. դու վարձատրվում ես քո ունակությունների համար), այլ հենց ինքնուրույն փող աշխատելուն, ավելի շուտ՝ ստեղծելուն: Շատ մարդիկ չեն հավատում, որ իրենք կարող են փող ստեղծել: Ինչպե՞ս: Այստեղ պետք չէ շատ բարդ մտածել: Որպեսզի կարողանաք ստեղծել միլիոններ, դուք նախ պետք է կարողանաք ստեղծել 1000 դրամ: Այսինքն, եթե դուք մտածեք ինչ-որ բան, որը հնարավորություն կտա Ձեզ ինքնուրույն աշխատել 1000 դրամ, Ձեզ կմնա միայն անել նույն բանը բազմաթիվ անգամներ ու հետագայում աշխատել միլիոններ:

Հասկանում եք, «դժվարն առաջին միլիոնն աշխատելն է» ասույթի իմաստը կայանում է նրանում, որ մարդը սովորում է փող ստեղծել և կարևոր չէ այդ փողի ծավալը: Դրանից հետո նրա մոտ վստահություն է առաջանում, նա տեսնում է, որ իր մոտ ստացվել է մեկ անգամ, ուրեմն կստացվի բազմաթիվ անգամներ: Իսկ երբ դա տեղի է ունենում, երբ մարդը կարողանում է իր երևակայության ու աշխատանքի շնորհիվ ստեղծել 1000-ական դրամներ, ապա միայն ժամանակի ու ցանկության հարց է, որպեսզի հազարները վերածվեն միլիոնների:

Հիշեք՝ կարողացեք ստեղծել 1 միավոր և Ձեզ կմնա միայն անել նույն բանը 1000 անգամ: Մարդիկ սովորաբար փորձում են, որ այդ 1 միավորը մեծ լինի: Բայց կարևորը դա չէ: Կարևորը՝ ինքնուրույն 1 միավոր ստեղծելն է:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

3 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»