Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Դուրս եկեք պտտվող շրջանակից

Դուք երբևէ՞ նկատել եք, թե ինչպես է շրջանակում պտտվում մկնիկը: Եթե չեք նկատել, դա շատ հեշտ է պատկերացնել: Մկնիկը փորձում է դուրս գալ շրջանակից, անընդհատ առաջ է վազում, բայց այն ուղղությունը, որը նա ընտրել է, երբեք թույլ չի տա նրան դուրս գալ շրջանակից: Նա ինքն է իր դիմացի թաթերով պտտում շրջանակը և չի էլ հասկանում, որ շարժվում է փակ շրջանով: Հայտնի ֆինանսական կոնսուլտանտ և հաջողության թրեյներ Ռոբերտ Կիյոսակին մկնիկի օրինակը տեղափոխում է մարդկանց կյանք: Նա ասում է, որ հաճախ մենք նույնպես շարժվում ենք մկնիկի պես` փակ շրջանով, և հետո էլ զարմանում ենք, թե ինչպես է ստացվում, որ մեր կյանքում ոչինչ չի փոխվում. չէ՞ որ մենք անընդհատ առաջ ենք շարժվում: Խնդիրը հենց դրանումն է: Միգուցե մեզանից շատերն առաջ են շարժվում, բայց այն ուղղությամբ, որը երբեք չի բերի արդյունքի: Հաճախ արդյունքի հասնելու համար անհրաժեշտ է ուղղակի մի փոքր թեքել գլուխը և դուրս ցատկել:

Մկնիկի օրինակն իրոք ամբողջությամբ արտահայտում է երևույթը, որը հանդիպում է շատերիս կյանքում: Շրջանակը, որով շատ մարդիկ շարժվում են, փակ է, բայց նրանք չեն նկատում դա, քանի որ տպավորությունն այնպիսին է, որ նրանք «շարժվում են»: Օրինակ, մարդը զարթնում է առավոտյան, գնում է չսիրած աշխատանքի, հոգնած վերադառնում է տուն և հասկանում է, որ դա պետք է փոխել: Բայց հաջորդ օրը նույնը, այդպես շաբաթներ, ամիսներ, տարիներ: Մարդը շարժվում է փակ շրջանակով և չի կարողանում դուրս գալ: Որքան էլ նա փորձի համոզել իրեն, որ մի օր իր մոտ ամեն ինչ կփոխվի, դա ինքնախաբեություն է. ինքն իրեն ոչինչ չի փոխվի: Մարդը պետք է իր մեջ այնքան ուժ գտնի, որ կարողանա դուրս նետել իրեն փակ շրջանակից և այդուհետ նա կարող է վազել ազատ: Մտածեք այս ուղղությամբ: Մեզանից շատերն են նման այդ մկնիկին: Բայց մկնիկից մենք տարբերվում ենք նրանով, որ կարող ենք ամեն ինչ փոխել: Հաջողություններ Ձեզ 🙂

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

  • ԵՍ լիովին համաձայն եմ, իմ կյանքում էլ եղել են նման պահեր…
    ՄԻ բան կավելացնեմ
    Խենթ եղեք… արեք խենթ քայլեր և կտեսնեք ինչքան հաճելի կդառնա առօրյա կյանքը: Զբաղվեք նրանով, ինչի մասին լսելիս երանի էիք տալիս, բայց էլի անցնում էիք հին կյանքին.. փոխեք Ձեր կյանքը: Այն Ձերն է, միմիայն Ձերը: Մի թողեք, որ հանգամանքները փոխեն Ձեր կյանքի ուղղությունը, ստեղծեք այնպիսի հանգամանքներ, որը կփոխի ու ավելի պայծառ կդարձնի ոչ միայն Ձեր այլր Ձեր սիրելիների կյանքը:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»