Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Աֆորիզմներ

Երբեք մի կորցրեք մոտիվացիան…

Եթե ունես երևակայություն, ապա կարող ես հասնել այն ամենին, ինչ ցանկանաս (Հենրի Ֆորդ):

Երբ հոսող ջուրն իր ճանապարհին արգելք է հանդիպում, այն կանգնում է, ավելացնում է ծավալն ու ուժը և հոսում է դրա վրայով: Հետևեք ջրի օրինակին: Կանգնեք և ավելացրեք ձեր ՈՒԺՆ այնքան ժամանակ, քանի դեռ խոչընդոտը հաղթահարված չէ (Ի-Ցզին):

Հնարավորի սահմանները որոշելու միակ ճանապարհն է` ԴՈՒՐՍ ԳԱԼ այդ սահմաններից (Արթուր Կլարկ):

Նույնիսկ, եթե դուք ճիշտ ճանապարհի վրա եք, ձեզ կճզմեն, եթե դուք ուղղակի նստեք ճանապարհին (Ուիլ Ռոդջերս):

Մարդիկ հազվադեպ են հասնում հաջողության, եթե զբաղված են նրանով, ինչն իրենց հաճույք չի պատճառում (Դեյլ Քարնեգի):

Մի վախեցեք աճել դանդաղ, վախեցեք մնալ անփոփոխ (չինական ասացվածք):

Եթե ցանկանում եք ավելի շատ հաջողությունների հասնել, կրկնապատկեք ձեր անհաջողությունների քանակը (Թոմաս Ուոթսոն, IBM հիմնադիր):

Կյանքը կարելի է համարել հաջողված միայն այն դեպքում, եթե հաջողվի ապրել այն ՏԱՐԲԵՐ (Կրիստոֆեր Մոռլի):

Մարդկանց մեծ մասը երջանիկ են այնքանով, որքանով իրենք են որոշում երջանիկ լինել (Աբրահամ Լինքոլն):

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

  • Վերջերս, երբ գնացել ե էյի գետակի մոտ, գրել եմ .
    -Սիրում եմ Քեզ գետակ, երբ գալիս եմ Քո մոտ, ինձ տանում ես հեռու-հեռու… Դու պայքարում ես քարերի հետ ու անվարան սլանում առաջ:Կուզենայի Քեզ նմանվել. անվախ, քաջ ու հաստատակամ:
    (Ի-Ցզինը չեմ) կարծում եմ մարդու միտքը չի կորչում և եթե չի ասել մեկը, ապա հայտնվում է նրա մոտ, ով արտահայտում է: Երևի դա է պատճառը, որ կարդալիս մեզ թվում է, թե մեր մտքերն է գրել մեկ ուրիշը…

    • Հա Գոհար ջան, նույն բանը կարող է տարբեր մարդկանց մտքով անցնել, և այնպիսի ճշտությամբ, որ իրոք թվում է, թե մեր մտքերը ուրիշն է գրել:

      • Վերջերս գտա այս հարցի պատասխանը ևս: Պարզվում է ինֆորմացիան չի կորում,, այն վերափոխվում է, կոդավորվում: հայտնվում են մարդիկ, որ ունակ են կարդալ այդ կոդերը և մեզ փոխանցել: Նույնիսկ հազար տարի առաջ մարդու մտքով անցած, բայց չասված ինֆորմացիան է պահպանվում:Եթե հետաքրքեց, կարող եմ հոդված ուղարկել, որում գիտականորեն ապացուցված է այս ամենը:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»