Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ

Որոշումներ ընդունիր առավոտյան

Ես համոզված եմ, որ մարդն իր ամենագիտակից վիճակում լինում է առավոտյան, երբ նոր է զարթնում: Այդ ժամանակ դու ռեալ գնահատում ես իրերը: Եթե, օրինակ, երեկ ինչ-որ բան ես արել, որ պետք է չանեիր, դու հստակ զգում ես դա առավոտյան: Իզուր չեն մարդիկ, որոնք նախորդ օրն արբել են, առավոտյան զարթնում տհաճ զգացողությամբ: Դա նրանց գիտակից ուղեղն է ասում, որ երեկ արբած վիճակում դու արել ես այն, ինչ պետք է չանեիր: Եթե մարդն առավոտյան զարթնում է մաքուր գիտակցությամբ և երջանիկ, ուրեմն նրա մոտ ամեն ինչ լավ է: Իսկ եթե դու կիսատ գործեր ունես, որոնք քեզ անհանգստացնում են, կամ երեկ ինչ-որ մեկին կոպտել ես, որը պետք է չանեիր, կամ ուղեղումդ փայլատակում է, որ դու առաջ չես շարժվում, ապա այդ զգացողությունները կփոխանցվեն քեզ առավոտյան և դու քեզ երջանիկ չես զգա:

Հիշեք` առավոտյան մարդու ուղեղը շատ ավելի թարմ է և զարթնելուց հետո մոտակա մեկ-երկու ժամվա ընթացքում դու ավելի ռեալ ես տեսնում իրականությունը: Իմ բոլոր սխալները, որոնք ես անում եմ օրվա ընթացքում, զգում եմ հաջորդ օրն առավոտյան: Կեսօրին ես միգուցե չզգամ դա, հավանական է, որ նույնիսկ կրկնեմ նույն սխալները, բայց առավոտյան ուղեղն ասում է. «Այս-այս բաները դու պետք է չանեիր, այս-այս բաները պետք է այսպես անեիր»: Այնպես որ լսեք Ձեր ուղեղի ձայնը առավոտյան, արեք այն, ինչ նա Ձեզ ասում է և մի արեք այն, ինչի համար նա Ձեզ հանդիմանում է: Փորձեք այնպես անել, որ առավոտյան զարթնեք երջանիկ: Դա ամենալավ զգացողություններից մեկն է, երբ զարթնում ես և ինքդ քեզ ասում. «Ամեն ինչ շատ լավ է, սրանից լավ չէր էլ կարող լինել»: Իսկ որպեսզի դա տեղի ունենա, պետք է հասարակ մի բան: Ազատվեք այն ամենից, ինչն անհանգստացնում է Ձեզ առավոտյան:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

5 մեկնաբանություն

  • Այս հոդվածը ևս մեկ ապացույց էր,որ ավելի հաճախ պետք է ուղեղով շարժվել, քան լսել սրտի ձայնին:Իսկ այն, որ առավոտյան ենք այդ ամենը հասկանում դա շատ կարևոր է և պետք է միշտ հիշել:Եվ ընդհանրապես ես կարծում եմ, որ ամեն մի գործողության արդյունքն էլ առավոտյան միշտ դրական է լինում:

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»