Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Ի՞նչ կարող ես անել Դու. առակ

Մի մարդ առավոտյան զբոսնում էր ծովափով: Ծովն այդ օրն անհանգիստ էր, ալիքները բարձր, քամի էր փչում: Հանկարծ նա նկատեց, որ ալիքներն իրենց հետ ափ են բերում հարյուրավոր ծովաստղեր և երբ նրանք ետ են գնում, ծովաստղերը մնում են ցամաքին և առավոտյան արևի ճառագայթներից մահանում են: Մարդը մի քիչ առաջ շարժվեց և նկատեց մի քանի ծովաստղերի, որոնց ալիքը նոր էր ափ բերել և նրանք դեռ կենդանի էին: Նա վերցրեց մեկին և նետեց ծովը: Ապա մյուսին, հաջորդին, հաջորդին… Քիչ այն կողմ կանգնած էր մեկ այլ մարդ, որը չէր հասկանում, թե ինչ է այս մարդն անում: Վերջիվերջո նա մոտեցավ նրան, բռնեց նրա ձեռքն ու հարցրեց. «Ի՞նչ ես դու անում: Այստեղ հարյուրավոր ծովաստղեր կան, քանիսի՞ն դու կարող ես օգնել: Ի՞նչ է դա փոխելու, ի՞նչ տարբերություն»:

Մյուս մարդը ոչինչ չպատասխանեց: Նա ևս երկու քայլ առաջ արեց, վերցրեց գետնից ևս մեկ կենդանի ծովաստղ, նետեց այն ջուրը և ասաց. «Տարբերությունն այս մեկի համար է»:

Առակի իմաստը հետևյալն է. մենք չենք կարող օգնել բոլորին, բայց կարող ենք օգնել նրանց, ում կարող ենք: Մենք չենք կարող ազդել ամեն ինչի վրա, բայց կարող ենք ազդել այն ամենի վրա, ինչի վրա կարող ենք: Մեր փոքրիկ քայլերն ինչ-որ մեկի համար ՄԵԾ նշանակություն ունեն:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

8 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»