Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Ով փնտրում է, նա կգտնի

Մեզանից յուրաքանչյուրը կյանքում ինչ-որ բան է ուզում գտնել: Մեկը երջանկություն, մյուսը փող, երրորդը ընտանիք, չորրորդը հանգստություն, խաղաղություն, մի մասը ճանաչում, հարգանք, պատիվ, մյուսները լավ տուն, կենցաղային լավ պայմաններ, ինչ-որ մեկն էլ ուզում է գտնել սենյակում կորցրած իր բանալիները: Իսկ ի՞նչ ենք անում մենք, երբ ուզում ենք գտնել սենյակում կորցրած մեր բանալիները: ՓՆՏՐՈՒՄ ԵՆՔ: Մենք չենք պառկում բազմոցին և սպասում, որպեսզի բանալիներն իրենք գան թռնեն մեր գրպանը: Մենք չենք կանգնում սենյակի անկյունում, ձեռքը դնում ճակատներիս և հեռվից նայում, փորձելով հասկանալ, թե որտեղ կարող են լինել բանալիները: Մենք բարձրացնում ենք բարձերը, նայում ենք դարակներում, փնտրում ենք հագուստի գրպաններում, ամեն ինչ խառնում ենք իրար, միայն թե գտնենք այդ բանալիները, չէ՞ որ դրանք մեզ պետք են: Եվ արդյունքում բանալիները միշտ էլ գտնում ենք, որովհետև ով փնտրում է, նա կգտնի: Նույն ձև փնտրեք Ձեր երջանկությունը, Ձեր բարեկեցիկ կյանքը, Ձեր հանգստությունը: Նույն ձև փնտրեք Ձեր տեղը կյանքում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»