Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Մտորումներ

Մտածիր և պատասխանիր

Հեղինակ՝ Lusin

1. Թվարկեք մոլորակի երեք ամենահարուստ մարդկանց,
2. Թվարկեք «Միսս աշխարհ» մրցույթի վերջին երեք հաղթողներին,
3. Թվարկեք վերջին երեք Նոբելյան մրցանակակիրներին,
4. Թվարկեք վերջին երեք Օսկար մրցանակակիրներին` լավագույն դերի համար:
Ստացվե՞ց: Մի քիչ դժվար է, այնպես չէ՞: Մի՛ անհանգստացեք, ծափահարություններն անցնում են, մրցանակների վրա փոշի է նստում: Հաղթողներն էլ են շուտով մոռացվում:

Իսկ հիմա.
1. Թվարկեք երեք ընկերների, ովքեր դժվար պահին Ձեր կողքին են եղել,
2. Թվարկեք Ձեր երեք ուսուցիչներին, որոնց միշտ շնորհակալությամբ ու սիրով եք հիշում,
3. Հիշեք մի քանի մարդկանց, ովքեր Ձեզ ջերմ զգացումներ են հաղորդել,
4. Հիշեք մարդկանց, ովքեր սիրում են Ձեզ…

Հնարավո՞ր է… Հեշտ է, չէ՞: Մարդիկ, ովքեր Ձեր կյանքում ինչ-որ բան են նշանակում, «Լավագույն» որակավորումը չունեն, չունեն մեծ գումարներ, չեն արժանացել ամենամեծ մրցանակների: Նրանք այն մարդիկ են, ովքեր հոգ են տանում Ձեր մասին, փայփայում են Ձեզ, ովքեր, անկախ ամեն ինչից, Ձեր կողքին են: Մի պահ մտածեք այդ մասին: Կյանքը շատ կարճ է:

Հեղինակի մասին

Lusin

Լավագույն վերելքներն առջեւում են:

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»