Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Եթե ուզում եք ինչ-որ բանի հասնեք, ջանք պետք է թափեք

Ընդհանրապես, ինձ թվում է, որ մարդկանց մեծ մասն էլ նպատակասլաց են, եթե հասկանանք նպատակասլացությունը «նպատակ ունենալու» իմաստով: Բայց մեկ բան է նպատակ ունենալ, մեկ այլ բան է ջանք թափել դրան հասնելու համար: Եվ մի հասկացեք, որ խոսքը միայն մեծ նպատակների մասին է: Մարդն ուզում է չուշանալ հանդիպումից, բայց ջանք չի թափում դրա համար: Մարդն ուզում է լավ ընկերներ ունենալ, բայց ջանք չի թափում դրա համար: Մարդն ուզում է լավ ապրել, բայց իրականում շատերը ջանք չեն թափում դրա համար:

Մի բան պետք է հասկանալ, որ հենց այնպես ոչինչ չի լինում: Եթե ուզում եք արդյունք տեսնել, ապա պետք է ջանք թափեք դրա համար: Ոչ թե պետք է ջանք թափեք ձեր հարմարավետության գոտու շրջանակներում, այլ պետք է ջանք թափեք շատ ավելի «ոչ հարմարավետ» պայմաններում: Ես բազմաթիվ անգամներ եմ ուշադրություն դարձնում, թե ինչպես են որոշ մարդիկ անկեղծորեն զարմանում, թե ինչու իրենց մոտ տվյալ բանը չի ստացվում: Կարծում եք պատճառը պայմաններն են, ճգնաժամը կամ շրջապատի «ոչ բարյացակամ» մարդի՞կ: Որոշ դեպքերում՝ միգուցե այո, բայց հիմնականում՝ իհարկե ոչ: Պատճառը մենք են՝ մենք մենք մենք: Պատճառը մեր գործադրած ջանքերն են: Եթե ինչ-որ բան չի ստացվում, ուրեմն մենք քիչ ջանք ենք գործադրում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»