Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Արժեթղթեր

Google-ի բաժնետոմսերը կտրուկ անկում են ապրել

Հեղինակ՝ Harust Tga

Երեկ` հոկտեմբերի 18-ին, Google ընկերության բաժնետոմսերի արժեքն ընկել է 755 դոլարից մինչև 695: Դա տեղի է ունեցել այն բանից հետո, երբ ընկերությունն անսպասելիորեն հրապարակել է իր եկամուտների մասին քառամսյակային հաշվետվությունը: Ըստ դրա` ընկերության եկամուտը հաշվետու ժամանակաշրջանում կազմել է $14.1 մլրդ, իսկ EPS-ը (մեկ բաժնետոմսին բաժին ընկնող եկամուտը)` $6,53: Այս թվերը վերլուծաբանների սպասվածից քիչ են եղել, ինչի հետևանքով էլ բաժնետոմսերի գնի կտրուկ անկում է գրանցվել:

Հարց է առաջանում՝ արդյո՞ք նման կտրուկ անկումներն ինչ-որ բան նշանակում են երկարաժամկետ տեսանկյունից: Պատասխանը թերևս բացասական է. Google-ի վիճակն ամուր է, ինչպես մեր լեռները 🙂 Ընկերությունը գնալով զարգացնում է իր կողմից առաջարկվող ծառայությունները, Google-ի սոցիալական ցանցը` Google+-ը, ավելացրել է իր ամերիկյան ակտիվ օգտատերերի քանակը` հասցնելով 12 մլն-ից մինչև 31 (ըստ compete.com-ի տվյալների):

Երեկվա անկումը լուրջ մտորումների տեղիք չի տալիս թեկուզ վերջին մի քանի ամիսներին նույն բաժնետոմսերի պահվածքը հաշվի առնելով: Oգոստոսի սկզբին դրանց գինը եղել է $610, իսկ փետրվարի 1-ին` $571: Հիշեցնեմ, որ վերջերս Google-ը շուկա է հանել իր Nexus 7 թաբլետը, որն ամերիկյան շուկայում վաճառվելու է $199-ով: Նաև հանրության ուշադրությանն է հանձնվել Google Chromebook-ը, որն ԱՄՆ-ում կարժենա $249:

Այնպես որ, ընկերության եկամուտը մյուս քառամսյակում հնարավոր է որ արդարացնի վերլուծաբանների կանխատեսումները և այդ պարագայում` Google-ի բաժնետոմսերի գինը նոր ռեկորդներ կգրանցի (բացառված չէ նաև 1000-ի հոգեբանական սահմանի հաղթահարումը): Ընդհանուր առմամբ` ես դրական եմ տրամադրված ընկերության ապագայի նկատմամբ: Դա պայմանավորված է նաև մեկ ամենակարևոր գործոնով՝ կառավարման որակով: Google-ի ղեկին կանգնած են նրա հիմնադիրները, որոնք բազմիցս ապացուցել են իրենց ընդունակությունները, նրանք երիտասարդ են, առույգ և կենսուրախ: Ղեկավարող եռյակի մեջ է նաև Էրիկ Շմիդտը, ով արդեն բավական մեծ է, բայց այժմ նա հիմնականում պատասխանատու է հասարակության հետ կապերի համար:

Ցանկացած ընկերություն վերլուծելիս ամենակարևոր նշանակությունը պետք է տալ մենեջմենթին: Եթե այն իսկապես լավն է, ապա ֆինանսական բարդությունները հաղթահարելի են, իսկ եթե ոչ, ապա ոչ մի շահույթ էլ չի կարող երկարաժամկետ հաջողության գրավական լինել:

Հեղինակի մասին

Harust Tga

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»