Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Էլի խնդիրնե՞ր… կա՛ լուծում

Հեղինակ՝ Demetra

Ուսուցչուհին սկսեց դասը, վերցնելով մի բաժակ, որի մեջ ջուր կար լցված և ցույց տալով աշակերտներին, հարցրեց.
— Ի՞նչ եք կարծում, որքա՞ն է կշռում այս բաժակը:

Աշակերտները սկսեցին աղաղակել.
— 50 գրամ, 100 գրամ, 200 գրամ:

Ուսուցչուհին ասաց.
— Անկեղծ ասած ես էլ չգիտեմ, թե որքան է այն կշռում, չեմ կշռել: Բայց ասացեք խնդրեմ, ի՞նչ կլինի, եթե ես այս բաժակը պահեմ ձեռքումս մի քանի րոպե:

— Ոչինչ, — պատասխանեցին աշակերտները:

— Լավ, ի՞սկ եթե պահեմ մի ժամ, — շարունակեց ուսուցչուհին:

— Ձեր ձեռքը կցավի, — պատասխանեց աշակերտներից մեկը:

— Ճի՛շտ ես: Իսկ ի՞նչ կլինի, եթե ես բաժակը ձեռքիս կանգնեմ ողջ օրը:

— Ձեր ձեռքը կանշարժանա, կթուլանա, հնարավոր է նաև, որ բժշկի օգնության կարիք ունենաք, — ասաց աշակերտներից մեկը և բոլորը ծիծաղեցին:

— Լա՛վ, իսկ փոխվե՞ց արդյոք բաժակի կշիռն այդ ընթացքում, — ժպտալով հարցրեց ուսուցչուհին:

— Ո՛չ, — պատասխանեցին բոլորը:

— Իսկ այդ դեպքում, ինչո՞վ են պայմանավորված նման հետևանքները:

Աշակերտները շփոթմունքից լռեցին:
— Լա՛վ, իսկ ի՞նչ պետք է անեմ ես, որպեսզի իրավիճակն ուղղեմ, — հարցրեց նա:

— Դրե՛ք բաժակը սեղանին, — ասացին աշակերտներից մի քանիսը:

— Ճի՛շտ եք: Ահա թե ինչպես պետք է վարվել խնդիրների հետ, որոնք հանդիպում են մեր կյանքում: Եթե դուք մտածեք դրանց մասին մի քանի րոպե, ամեն ինչ նորմալ կլինի: Եթե շարունակեք դրանք պահել ձեր մտքում, ապա կունենաք վատ ինքնազգացողություն, իսկ եթե մի ամբողջ օր մտածեք դրանց մասին, ապա դրանք ձեզ թույլ և անշարժունակ կդարձնեն: Դուք ոչինչ չեք կարողանա անել:

Շատ կարևոր է կյանքի խնդիրների մասին մտածելը, բայց առավել կարևոր է, որ կարողանաք դրանք ժամանակին «դնել սեղանին»: Ամեն օր, քնելուց առաջ հեռացրեք ձեզանից բոլոր խնդիրները: Այդ դեպքում ամեն օր արթնանալիս դուք կլինեք առույգ և պատրաստ հաղթահարելու, լուծելու ցանկացած խոչընդոտ, որոնք ձեզ հասցնում է ճակատագիրը:

Հեղինակի մասին

Demetra

Անկեղծ եմ, հումորով ու հավատարիմ

11 մեկնաբանություն

  • Շատ եմ սիրում այս պատմությունը: Շնորհակալություն Գոհար ջան մեկ անգամ ևս հիշեցնելու համար=D :

  • Հարգելիներս, ամեն ինչ կախված է մեզանից և սա հաջողության հասնելու միջոցներից մեկն է… Կան բազում եղանակներ, բայց բոլորի հիմքում ընկած է հետևյալը. “Հավատալ սեփական ուժերին, հաստատուն քայլերով գնալ առաջ և ամեն անգամ հիշել գերնպատակի` Երջանիկ լինելու և մնացածներին երջանկացնելու մասին”

    • Հարգելի Հրո
      Խնդիրները միշտ կան ու կլինեն, դա կյանքի կանոնն է, բայց հարկ է սովորել մի կողմ դնել դրանք և սառը դատելով գտնել լուծում,թեկուզ ավելի երկար ժամանակահատվածում, քան գործել տաք գլխով

    • Բոլոր խոչընդոտները մեր համար են, որպեսզի դառնանք էլ ավելի ուժեղ : Կհաղթենք, քանի հավատում ենք մեր ուժերին 🙂

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»