Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողակ ընկերություններ

Zynga. սոցիալական խաղերի առաջատարը

Հեղինակ՝ Harust Tga

Կարծում եմ` ձեզանից շատերը ծանոթ են Zynga ընկերությանը: Իսկ նրանց, ովքեր ծանոթ չեն, համառոտ ներկայացնեմ ընկերության պատմությունը:

Zynga-ն կազուալ խաղերի առաջատար ստեղծողն է: Երբ ասում են սոցիալական խաղեր՝ հասկանում են Zynga: Ձեզանից շատերը կարծում եմ խաղացել են Zynga-ի ամենահանրահայտ խաղերից մեկը՝ FarmVille-ը, Facebook սոցիալական ցանցում: Այո, Zynga-ն սերտ կապեր ունի Facebook-ի հետ: Այդ երկու ընկերությունների նմանությունը երևում է նույնիսկ նրանց հիմնական կարգախոսներում. Facebook` կապել աշխարհը սոցիալական ցանցի միջոցով, Zynga` կապել աշխարհը սոցիալական խաղերի միջոցով:

Ամենաառաջնային հարցերից մեկը, որ Ձեզ մոտ պետք է առաջանա, թե ինչ ծագում ունի այդ տարօրինակ անունը՝ Zynga: Պարզվում է, որ դա ընկերության հիմնադիր Մարկ Պինկուսի շան անունն է: Դե, նորմալ բան է, եթե մեր` հայերիս մոտ ընդունված է ՍՊԸ-ների անունները դնել հիմնադիրների անունների առաջին վանկերի միավորումից, Ամերիկայում էլ մարդիկ իրենց ընտանի կենդանիներին են անմահացնում:

Zynga-ն փայլուն օրինակ է այն բանի, թե ինչպես կարող է ոչնչից հսկայական բիզնես ստեղծվել: Իհարկե, ոչինչ ասելով ես նկատի ունեմ նյութական մասը, քանի որ տվյալ պարագայում հաջողության հիմքում ընկած է բազմաթիվ մարդկանց տաղանդը, ինչի շնորհիվ էլ ստեղծել է այդ յուրահատուկ ընկերությունը, իսկ դա ոչինչ անվանել չի կարելի:

Zynga-ն հիմնադրվել է 2007թ-ի ապրիլին Մարկի և նրա մի քանի ընկերների կողմից: Ընկերության առաջին խաղը՝ Տեխասյան Պոկերը, լույս է տեսել 2007թ-ի հուլիսին, այնուհետև այն վերանվանվել է պարզապես Zynga Poker-ի: 2009թ-ի ապրիլին Zynga-ն դարձել է Facebook application-ների առաջատար ստեղծող` ամսեկան 40 միլիոն ակտիվ օգտատերերով: Իրականում, Zynga-ի վերելքը շարունակվեց մինչև այս տարվա սկզբերը, որից հետո նրա բաժնետոմսերի գինը սկսեց կտրուկ նվազել՝ ընկնելով մոտ $15-ից մինչև $2,31:

Այժմ բացատրեմ, թե ինչու ներդրողները միտված չեն գնելու Zynga-ի բաժնետոմսերը: Բանն այն է, որ Zynga-ն խիստ կապված է Facebook-ի հետ, իսկ Facebook-ն իր հերթին վստահություն չի ներշնչում ներդրողների շրջանում: Այստեղ հիմնական խնդիրը Facebook-ի օգտատերերի անցումն է սմարթֆոնների, ինչի պատճառով քչանում է գովազդից ստացված եկամուտը: Zynga-ի եկամտի աղբյուրը Facebook-ի միջոցով վաճառված վիրտուալ ապրանքներն են՝ կովեր, հավեր և այլն: Facebook-ը սեփական եկամտաբերությունը շատացնելու նպատակով զգալիորեն բարձրացրեց իր կողմից գանձվող միջնորդավճարները, ինչի պատճառով Zynga-ն զգալի կորուստներ ունեցավ:

Առայժմ այսքանը: Հետագայում մենք կրկին կանդրադառնանք Zynga-ին և կփորձենք հետևել նրա հետագա հաջողություններին և անհաջողություններին: Միայն հիշեք` առանց անհաջողությունների հաջողություն չի լինում:

Ուզում եմ ևս մեկ հետաքրքիր միտք արտահայտել: Ինչի՞ց է սկսվում մեծ, հզոր ընկերությունը: Լինում են դեպքեր, երբ ամեն ինչ սկսվում է նրանից, որ մի երեխա, խաղալով իր խաղալիքներով և դիտելով մուլտֆիլմեր, մտածում է, թե ինչ լավ կլիներ, եթե մուլտֆիլմերը դառնային խաղեր:

Հեղինակի մասին

Harust Tga

5 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»