Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հետաքրքիր է

Աշխարհի ամենաթանկ տունը

Հեղինակ՝ Lusin

Աշխարհի ամենաթանկ տունը Antillia-ն է: Այն իր անվանումը ստացել է ի պատիվ մի խորհրդավոր կղզու, որն առաջինն է եղել իտալական քարտեզում՝ 1424թ-ին, և գտնվում է Ատլանտյան օվկիանոսում` Պիրենեյան թերակղզուց դեպի արևմուտք: Տունը պատկանում է հնդիկ մուլտիմիլիարդատեր Մուկեշ Ամբանիին, ով ղեկավարում է Reliance Industries նավթաքիմիական կորպորացիան: «Ամենաթանկ տուն» ծրագիրն իրականացվել է 4 տարվա ընթացքում: Ծրագիրը ներկայացվել է Perkins and Will ընկերության կողմից:

Տունը բաղկացած է 27 հարկերից, ունի 168 մետր բարձրություն (դա 60 հարկանի շենքի բարձրությունն է, պարզապես այստեղ հարկերը կրկնակի բարձր են), իսկ ընդհանուր տարածքը կազմում է 400 հազ քառ. մետր, որի մեծ մասը ապակուց է: Յուրաքանչյուր հարկում ձգվում է փարթամ այգի: Այդ գերժամանակակից շինության 6 հարկերը տրամադրված են ավտոտնակներին, որոնցում տեղավորվում է 168 ավտոմեքենա: Բացի այդ, տունն ունի լողավազան, թատրոն` 65 նստատեղով, գինետուն, յոգայի սրահ, ամառային պարտեզ` 4 հարկերում, մեծ պարասրահ` բյուրեղյա ջահերով, ուղղաթիռի հրապարակ և այլն: Սպասարկող անձնակազմը բաղկացած է 600 մարդուց, ովքեր հետևում են տան կարգուկանոնին: Աշխարհի ամենաթանկ տունը գնահատվում է շուրջ $2 մլրդ դոլար: Այն նաև աշխարհի ամենամեծ տունն է:

Հեղինակի մասին

Lusin

Լավագույն վերելքներն առջեւում են:

3 մեկնաբանություն

  • Ես այս տան մասին տեղյակ էի,միայն մի բան ասեմ,որ Մուկեշ Ամբանին,ոչ թե մուլտիմիլիոնատեր,այլ միլիարդատեր է,իհարկե իմ իմանալով ;).

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»