Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Մտորումներ

Թաքնված երազանքների մասին

Բոլոր մարդիկ ունեն թաքնված երազանքներ: Ես նույնպես բացառություն չեմ: Այսօր որոշեցի մի փոքր խոսել դրանց մասին: Նաև հետաքրքիր կլինի տարիներ անց կարդալ այս գրառումը, երբ դրանք իրականացած լինեն: 🙂 Իրականում երազանք ասելով հասկանում ես անիրականանալի, գրեթե անհնար ինչ-որ բան: Սակայն կյանքիս փոքր փորձով արդեն հասցրել եմ համոզվել, որ երազանքներն ինչ-որ պահի դառնում են ցանկություն, միգուցե մեծ ցանկություն, բայց արդեն ավելի մոտ, ավելի հասանելի ինչ-որ բան, եթե անընդհատ ձգտում ես դրանց և քայլեր ես ձեռնարկում:

Երբ գործով զբաղված չեմ լինում, ես սիրում եմ պատկերացնել: Պատկերացնելուց հեշտ բան թվում է չկա, բայց հաճախ պատկերացումներից է սկսվում ամեն ինչ: Երբեմն ես պատկերացնում եմ մեծ դահլիճ, որը լի է հանդիսատեսով: Մոտիվացիոն երեկո է սպասվում: Ինչ-որ հայտնի, շատ հաջողակ մարդ է ժամանել Հայաստան, որպեսզի իր կյանքի փորձով կիսվի երիտասարդ սերնդի հետ: Եթե ավելի անկեղծ լինեմ, դահլիճը կարծում եմ Մոսկվա կինոթատրոնն է, իսկ հաջողակ մարդը` մեր հայրենակիցը` Քըրք Քըրքորյանը: Երբեմն նաև տարբեր այլ մարդկանց ելույթներն եմ պատկերացնում, օրինակ Ռիչարդ Բրենսոնի, կամ … անունները հերթով չթվարկեմ, նրանց կարծում եմ գիտեն բոլորը: Նրանց են պատկանում այսօրվա ինտերնետ հսկաները, նրանք ստեղծել են աշխարհի ամենահայտնի բրենդները, նրանք կարողանում են իրենց մեկ խոսքով տատանել միջազգային արժույթների գները, մի խոսքով… նրանք մարդիկ են, ում կյանքի պատմությունները մենք այսօր մեջբերում ենք:

Իմ մեծ ցանկությունը կայանում է նրանում, որ այդ մարդիկ ժամանակ առ ժամանակ կենդանի ելույթ ունենան մեր առջև՝ այստեղ, Հայաստանում: Լեփ-լեցուն դահլիճներ, ոգեշնչված մարդիկ, փոխված ճակատագրեր, անսահման էներգիա` այս ամենն իրոք շատերի կյանքը կարող է փոխել: Համոզված եմ, որ դա անպայման կիրականանա:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

6 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»