Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հեղինակային առակներ

Լեոն և Լեոնան

Մի խրճիթում արդեն երկար տարիներ ապրում էին ամուսիններ Լեոն և Լեոնան: Շատ էին սիրում իրար` սիրում էին իրար հետ զարթնել, իրար հետ ուտել, իրար հետ տան դիմացի գետակից ջուր բերել, ձմռանն իրար հետ ձնե մարդ սարքել: Լեոն սիրում էր հետևել Լեոնային, երբ նա քնած էր: Այդ ժամանակ նրա պարզ, հրեշտակային դեմքը կատարյալ էր թվում: Լեոն հասկանում էր, որ նա ունի աշխարհի ամենամեծ հրաշքը: Եվ դա Լեոնան էր: Լեոնան սիրում էր հետևել Լեոյին, երբ նա բակում փայտե ամաններ էր պատրաստում: Նա նայում էր նրան խրճիթի դռան ետևից և հասկանում, թե ինչ երջանիկ մարդ է նա: Լեոյին և Լեոնային ոչինչ պետք չէր` փոքրիկ խրճիթը, փայտե ամանները, գետից բերված զուլալ ջուրը, կարևորը, որ միշտ միասին լինեին:

Լեոյի և Լեոնայի համար աշխարհը կանգնած էր: Նրանք շնորհակալ էին ամեն օրվա համար, որ միասին էին: Կարկուտ, ամպրոպ, անձրև, փոթորիկ` այս ամենը չէր կարող թափանցել այն գնդի մեջ, որն իրենց շուրջ ստեղծել էին այդ երկուսը: Դա սիրո գունդն էր` հավատարմության, նվիրվածության մեծ գունդը: Այդ գնդի ներսում միշտ արև էր, միշտ լուսավոր, տաք եղանակ: Եվ այստեղ ապրում էին Լեոն ու Լեոնան, միշտ իրար հետ, փոքրիկ իրենց խրճիթում, Լեոն փայտե ամաններ էր պատրաստում, Լեոնան գետից զուլալ ջուր բերում և այդ հեքիաթը երբեք չէր վերջանում:

Նվիրվում է բոլոր ամուսիններին, իրար գտած բոլոր զույգերին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»