Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության պատմություններ

Մարդիկ, ովքեր սկսեցին զրոյից և աշխատեցին միլիոններ

Շեպ և Իեն Մյուրեյ եղբայրներն իրականում իրենց այդքան էլ երջանիկ չէին զգում՝ աշխատելով Մանհեթենի գրասենյակներում: Դա էր պատճառը, որ 1998թ-ին Շեպը, ով գովազդի բաժնի ղեկավարն էր, և եղբայրը՝ ով աշխատում էր հասարակության հետ կապերի գծով ոչ մեծ ընկերությունում, 10 րոպեի տարբերությամբ լքեցին իրենց աշխատավայրերը և որոշեցին կյանքի կոչել իրենց «հիմար» գաղափարը և սեփական բիզնես սկսել: Vineyard Vines ընկերությունը ստեղծվեց այս երկու եղբայրների շնորհիվ, ովքեր, օգտագործելով իրենց վարկային քարտերի վրա եղած վերջին գումարները, կարողացան ստեղծել փողկապների վաճառքով զբաղվող ամենահաջողակ ընկերություններից մեկը: Սկզբում նրանք վաճառում էին փողկապներն անմիջապես փողոցում, բարերում, լողափերում, և հենց առաջին շաբաթվա ընթացքում վաճառեցին 800 փողկապ: Ոգևորված հաջողությունով՝ նրանք պատվիրեցին փողկապների նոր քանակ, մարեցին կուտակված պարտքերն ու վարձեցին առաջին գրասենյակը: 10 տարի է անցել այդ օրերից և այժմ Vineyard Vines ընկերությունը ԱՄՆ-ում հագուստի հայտնի խանութներից է՝ 100 մլն դոլար տարեկան շրջանառությամբ:

Ռիկ Վետցելն ու Բիլլ Ֆելպսն աշխատում էին Nestle-ում, երբ ծնվեց Wetzels Pretzels ընկերության գաղափարը: Նրանք գործուղման էին մեկնել, երբ ինքնաթիռում Վետցելը Ֆելպսին պատմեց կնոջ գաղափարը՝ պատրաստել գերմանական հատուկ ոճի կարկանդակներ և վաճառել դրանք առևտրի մեծ սրահներում: Այնուհետև, ողջ գիշեր նրանք բարում նստած միայն անձեռոցիկներ էին պատվիրում, քանի որ պլանավորում էին իրենց բիզնեսի հետագա քայլերը: Վետցելը վաճառում է իր մեքենան և բավական գումար կուտակելով՝ իր ողջ ազատ ժամանակը տրամադրում այս գործին: Կարկանդակները նրանք պատրաստում էին Ֆելպսի տանը: Մի անգամ էլ նրանց աչքով ընկնում է հայտարարություն նոր բացվող առևտրի կենտրոնի մասին: Եկել էր պահը գործելու: Ընկերները հրավիրում են առևտրի կենտրոնի ղեկավարին և հյուրասիրում նրան: Նրան այնքան են դուր գալիս կարկանդակները, որ նա վարձով տեղ է հատկացնում դրանց վաճառքի համար: Ընկերները որոշում են հեռանալ Nestle-ից: Դա 1994թ էր: Այսօր ԱՄՆ-ում գործում է Wetzels Pretzels-ի շուրջ 250 վաճառակետ, որոնց շրջանառությունն անցնում է տարեկան 100 մլն դոլարը:

Դանա Սինկլերն ու Ալեքս Դձիդուժիսկին աշխատում էին Նյու-Յորքյան Lafayett ռեստորանում: Նրանք յուրահատուկ ուտեստ էին որոշել պատրաստել և հյուրասիրել բարի մոտ նստած հաճախորդներին (քանի որ դա այն տեղն էր, որին մոտենում էին մարդիկ առաջին հերթին), սակայն մերժվեցին: Դա էր պատճառը, որ նրանք որոշեցին հեռանալ և սեփական բիզնես սկսել: Շուտով շուկայում հայտնվեցին նրանց բանջարեղենային չիպսերը, որոնք սիրվեցին սպառողների կողմից: 1990թ-ին բացվեց Terra Chips ցանցը, որն իր բնույթով միակն էր աշխարհում և բիզնեսը սկսեց զարգանալ: Ընկերությունն այդ ժամանակ արդեն ուներ տարեկան շուրջ 23 մլն դոլարի վաճառք, ինչն արդեն մեծ հաջողություն էր: 1995թ-ին ընկերության բաժնետոմսերի 51%-ը ձեռք բերվեց մի խումբ ներդրողների կողմից, ինչը դարձրեց նրա հիմնադիրներին միլիոնատեր:

Այս օրինակները ցույց են տալիս, որ եթե կա գաղափար, ապա պետք է անցնել գործի՝ առանց երկար մտածելու: Հուսով եմ` այս պատմությունները խթան կհանդիսանան ձեզ` հավատալ սեփական ուժերին և շարժվել առաջ: Հիշեք՝ ոչինչ միանգամից չի լինում: Ինչպես ասել է De Beers ընկերության հիմնադիրը. «Շտապել պետք է դանդաղ»:

Ի դեպ՝ Հայաստանում գործում է կազմակերպություն, որը բաց է յուրաքանչյուր անհատի և ուսանողի համար, ովքեր ցանկանում են շահույթ ստանալ, գիտելիքներ ձեռք բերել և հմտանալ վաճառքի ոլորտում: Եթե դուք նպատակասլաց եք, ցանկանում եք ինչ-որ բանից սկսել և սեփական աշխատասիրության շնորհիվ գումար վաստակել, ապա այս առաջարկը, կարծում եմ, ձեզ համար է: Մանրամասները կարող եք իմանալ` գրելով businessevolution.info@gmail.com հասցեին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»