Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Պարզ մտածեք. պարզ մտածելն ավելի բարդ է

«Փղին 3 քայլով մտցրու սառնարանը», — ասաց մի անգամ ընկերս, երբ տրամաբանական հարցեր էինք իրար տալիս: Հիմա մտածում եմ. երևի փիղը սառնարանում տեղ չի անի, կամ սառնարանը պետք է շատ մեծ լինի, կամ էլ միգուցե փիղ նկատի ունի ոչ թե իրական փիղ, այլ փղի ա՞յլ տեսակ: Իսկ որո՞նք են 3 քայլերը: Սկզբում երևի ոտքը պետք է մտցնի, հետո… բայց չէ, այդ դեպքում քայլերը կանցնեն 3-ը: Հմմմ… ո՞րն է պատասխանը: Իսկ պատասխանը, պարզվում է, շատ պարզ էր. բացում ես սառնարանի դուռը, փիղը մտնում է, փակում ես այն:

Այս հումորը պարզվում է բավական հին է, իսկ մենք, չգիտես ինչու, առաջին անգամ էինք լսում 🙂 Բայց կարևորը դա չէ: Կարևորն այն է, որ ևս մեկ անգամ գիտակցեցի, որ երբեմն մենք շատ բարդ ենք մտածում: Մեզ տալիս են պարզ հարցեր, մենք հայտնվում ենք կյանքի պարզ իրավիճակներում, բայց այնքան չենք սպասում այդ պարզությունը, որ ինքներս մեզ խճճում ենք: Պարզ մտածելու կարողությունը բարդ աշխարհում ավելի է բարդանում: Տեսնո՞ւմ եք` ինչ բարդ նախադասություն էր 🙂 Ավելի պա՛րզ: Գնալով ավելի ու ավելի է գնահատվում պարզությունը` պարզ մտածել, պարզ խոսել, պարզ գաղափարի վրա հիմնված նախագծեր ստեղծել, մի խոսքով… պարզ, պարզ, պարզ: Պարզ բաները մարդիկ հեշտ են հասկանում և դա դժվար թե փոխվի դարերի ընթացքում: Իսկ եթե մարդիկ դա հեշտ են հասկանում, ուրեմն պետք է պարզ ձևով ներկայացնել, պարզ բաներ ներկայացնել: Իսկ որպեսզի պարզ ձևով ներկայացնել, պետք է նախ պարզ մտածել:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

3 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»