Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Բիզնես և ֆինանսներ

Ամանորյա բիզնես. նամակ Սանտայից

Ամանորին աշխարհի բոլոր երեխաները զբաղված են մեկ բանով. նրանք նամակ են գրում Ձմեռ պապին: Իսկ նրանց ծնողները գրում են պատասխան նամակ` Ձմեռ պապի անունից, որպեսզի չհիասթափեցնեն իրենց փոքրիկներին:

Ամերիկացի Բայրոն Ռիզը նույնպես նամակներ էր ստանում Սանտա Կլաուսից, երբ փոքր էր: «Սանտան»` նրա մայրը, մահանում է, երբ Բայրոնը 3,5 տարեկան էր: Բայց մոր և հեքիաթային այդ պահերի մասին հիշողությունները երբեք չեն ջնջվում նրա ուղեղից և հիմք են դնում նրա ապագա բիզնեսին:

2001 թվականին Ռիզը բացում է Santamail.org կայքը: Դրա միջոցով ծնողները կարող էին գնել նամակ Սանտայից իրենց երեխաներին: Նամակի արժեքը $9.95 էր: Արվում էր դա այսպես. ծնողն էլեկտրոնային նամակ էր ուղարկում Santamail-ի փոստարկղին և դրանում նշված հետադարձ հասցեով փոստատարը բերում էր նամակը: Իմիջիայլոց, ծրարի վրա երևում էր ոչ այլ ինչ, քան Հյուսիսային բևեռ: Բանն այն է, որ նման քաղաք իրոք գոյություն ունի ԱՄՆ-ում. այն գտնվում է Ալյասկայում: Բայց որպեսզի նամակը հնարավոր լինի ուղարկել Հյուսիսային բևեռից, այն պետք է պատվիրել մինչև դեկտեմբերի 16-ը, այլապես նամակները չեն հասնում ամանորին:

2001 թվականին վաճառվում են Սանտայի 10 000 նամակներ: Նամակ ստանալ ցանկացողների թիվը գնալով աճում է և 2005 թվականին վաճառքների ծավալն անցնում է 1 միլիոն դոլարը: Այսօր նամակների թիվն անցել է 300 հազարը, իսկ պատվերներն ընդունվում են ողջ տարի: Բացի ամանորյա նամակներից այժմ հնարավոր է գնել նաև ծննդյան շնորհավորանքներ Սանտայից: Ահա այսպիսի գեղեցիկ բիզնես գաղափար, միգուցե՞ որոշեք փորձել այն նաև Հայաստանում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

3 մեկնաբանություն

      • Գաղափարը հոյակապ է, վերջերս հենց իմ աշխատանքի վայրում եղավ նման խոսակցություն, որի արդյունքները կտեսնեք երևի հեռուստացույցով: Ամանորյա անակնկալ մեր դպրոցականներին: 🙂

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»