Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Բիզնես և ֆինանսներ

Սկսնակ գործարարի մտածմունքները. հաշվապահություն

Խոսքն այստեղ այն սկսնակ գործարարի մասին չէ, ով ունի սկզբնական 5 միլիոն դրամ և կարող է հոգալ բիզնեսի սկզբնական ծախսերը: Խոսքն այն ուսանողի, դեռահասի կամ նույնիսկ հասուն տարիքի մարդու մասին է, ով ունի գաղափար, որոշել է այն իրականացնել, բայց չունի սկզբնական բավարար գումար: Իսկ գումար սկզբում իրոք անհրաժեշտ է: Եկեք հասկանանք, թե ինչու:

Նախ, եթե բիզնես ես սկսում, պետք է բացես ընկերություն: Դա միանգամյա փոքր ծախս է և դրա վրա կարելի է ուշադրություն չդարձնել: Հետո` պետք է վարձես գրասենյակ: Փոքրիկ գրասենյակ Երևանում կարելի է վարձել լավագույն դեպքում ամսեկան 50 հազար դրամով: Այնուհետև` պետք է վարես քո ընկերության հաշվապահությունը: Այստեղ շատերի մոտ խնդիր է առաջանում: Հենց սկզբում հաշվապահ ունենալը երիտասարդ գործարարի համար «թանկ հաճույք է», քանի որ նույնիսկ եթե ընկերության հաշվապահությունը սկզբնական փուլում այդքան բարդ չէ` չկան տասնյակ աշխատողներ, խճճված հաշվարկներ և հաշվետվություններ, հաշվապահ ունենալու համար անհրաժեշտ է ամսեկան 30-40 հազար դրամ և դեռ պետք է ուրախանալ նման հաշվապահ գտնելու դեպքում: Բայց երիտասարդը, ով ուզում է ինչ-որ փոքրիկ բիզնես սկսել, չունի այդքան գումար, ուստի շատերի մոտ վախ է առաջանում` ինչպե՞ս վարել հաշվապահությունը:

Սա միայն ենթադրություն չէ: Ես հանդիպել եմ շատ երիտասարդների Հայաստանում, ովքեր ուզում են ինչ-որ բան սկսել և իմ մոտ այդ պատկերն արդեն ձևավորվել է: Շատերը բիզնես են սկսում առանց հաշվապահի կամ փորձում են սկզբնական փուլում ինքնուրույն վարել հաշվապահությունը (մինչև բիզնեսը շահույթ կբերի) և անընդհատ լարված են, քանի որ իրենք հաշվապահ չեն, իսկ հաշվապահությունն այնպիսի բան է, որ պետք է անընդհատ հետևել, քանի որ փոփոխություններ անընդհատ լինում են:

Սկսնակ գործարարի՝ հաշվապահության հետ կապված խնդիրներն ինչ-որ չափով թեթևացնելու համար էլ մենք ստեղծեցինք taxes.am նախագիծը, որտեղ երիտասարդը, ով ուզում է սկզբում ինքնուրույն վարել իր հաշվապահությունը, կկարողանա տալ իր հարցերը, իսկ դրանց կպատասխանեն արդեն այդ փուլն անցած գործարարներն ու հաշվապահները: Դրանով նրանք կօգնեն սկսնակներին, միաժամանակ իրենք էլ կբարելավեն իրենց գիտելիքները, քանի որ երբ ինչ-որ հարցի ես պատասխանում, ինչ-որ բան ես սովորեցնում, ինքդ էլ սովորում ես:

Այնպես որ, եթե բիզնես սկսելու հետ կապված ձեր մտածմունքների մեջ մտնում է նաև հաշվապահությունը, կիսվեք դրանցով taxes.am-ում: Անպայման կգտնվեն մարդիկ, ովքեր կփորձեն օգնել ձեզ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»