Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Ստարտափ

Սումայա Կազի. փորձում ենք փոխել աշխարհը

Omidyar Network-ը ներդրումային հիմնադրամ է, որը ստեղծվել է 2004թ-ին eBay-ի հիմնադիր Պիեռ Օմիդյարի կողմից: Մինչ այսօր հիմնադրամը հատկացրել է մոտ 290 միլիոն դոլար տարբեր նախագծեր ֆինանսավորելու համար: 2010թ-ին Omidyar Network-ի կազմակերպած «Ստարտափ, որը հավանական է կփոխի աշխարհը» (Startup Most Likely to Change the World) մրցույթում հաղթում է Սումայա Կազիի (ամերիկացի, որի ծնողները Բանգլադեշից են) sumazi.com նախագիծը: Սակայն մինչև նախագծի մասին խոսելը, կարճ ներկայացնեմ դրա հեղինակին:

Սումայա Կազին ծնվել է 1982թ-ին Հոլիվուդում: 2004թ-ին ավարտել է Կալիֆորնիայի համալսարանը` բիզնես մասնագիտությամբ: 2005թ-ին` 23 տարեկան հասակում, դեռևս աշխատելով Sun Microsystems ընկերությունում, նա ստեղծում է իր առաջին The CulturalConnect ընկերությունը: The CulturalConnect-ը հնարավորություն էր տալիս կապ հաստատել տարբեր էթնիկական խմբերի մարդկանց միջև: Այս նախագծի շնորհիվ 2006թ-ին Սումայան ճանաչվում է «Մինչև 25 տարեկան լավագույն երիտասարդ գործարար» BusinessWeek ամսագրի կողմից, 2007թ-ին հրավիրվում է CNN, տարբեր հեղինակավոր ամսագրերի կողմից արժանանում է «Top 50 հեռատես մարդիկ, ովքեր կփոխեն աշխարհը», «Top-100 ամենացանկալի խորհրդատուներ», «Սան Ֆրանցիսկոյի 10 գործարարներ, որոնց արժե հետևել», «Ինտերնետի ամենահեղինակավոր ղեկավարներ» և այլ տիտղոսների: 2011թ-ին նա ստեղծում է իր երկրորդ` sumazi.com հաջողակ նախագիծը, որն ըստ էության առաջինի տրամաբանական շարունակությունն էր:

Sumazi.com-ը հնարավորություն է տալիս կապ հաստատել մարդկանց հետ, որոնց դուք չեք ճանաչում, բայց պետք է ճանաչեք: Այն առաջարկում է ձեզ մարդկանց, ովքեր կարող են ձեզ ինչ-որ բանով օգնել, ոգեշնչել ձեզ կամ ձեզ հետ միասին ինչ-որ նախագիծ իրականացնել: Կարճ ասած` դուք կարող եք գտնել այն մարդկանց, որոնք այդ պահին ձեզ անհրաժեշտ են: Օրինակ, եթե դուք ուզում եք գտնել մարդկանց, ովքեր ոգեշնչված են Սթիվ Ջոբսով և ուզում են փոխել աշխարհը (այդ օրինակը կա տեսանյութում), ապա Sumazi-ի միջոցով դուք դա կարող եք անել: Կամ եթե ուզում եք գտնել մեկին, ով կարող է ձեզ չինարեն սովորեցնել, Sumazi-ի միջոցով դուք դա նույնպես կարող եք: Sumazi-ն օգտվում է Facebook և Linkedin սոցիալական ցանցերում մարդկանց թողած տվյալներից` վերլուծելով նրանց վարքագիծը: Ի տարբերություն Linkedin-ի` այն առաջարկում է ձեզ կոնկրետ մարդկանց ցուցակ, ովքեր այդ պահին ձեզ անհրաժեշտ են:

Հ.Գ.
Առայժմ այսքանը: Sumazi.com կայքի աշխատանքի մասին կգրեմ ավելի ուշ, քանի որ ինքս արդեն գրանցվել եմ և պատրաստվում եմ փորձարկել, իսկ այս պահին կարող եք դիտել ևս երկու տեսանյութ անգլերեն լեզվով Սումայա Կազիի և Սումազիի մասին:

Ի՞նչ է Սումազին

Պատմում է Սումայա Կազին

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»