Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ

Երազանքի ուժը

Հեղինակ՝ Karen

Մենք բոլորս ունենք մեր երազանքները, բայց ոչ բոլորս ենք դրանց մեծ նշանակություն տալիս: Բայց չէ՞ որ մենք մարդ ենք, իսկ մարդկային տեսակը տարբերվում է մնացածներից մտածելու, երազելու կարողությամբ: Ինչու փոքր հասակում մենք ամեն ինչ երազում ենք, իսկ հետո սկսում ծիծաղել մեր երազանքների վրա: Երևի դա անելն ավելի հեշտ է, քան քայլեր ձեռնարկել երազանքին հասնելու համար:

Ուզում եմ պատմել երկու փոքրիկ պատմություն իմ կյանքից: Նախ սկսեմ նրանից, որ մարդկանց մոտ շրջանառվում է այս արտահայտությունը. «ինչից փախչում ես` գլխիդ է գալիս»: Շատերը հավատում են դրան: Լավ, իսկ ինչ եք կարծում, հակառակը տեղի չի՞ ունենում, այսինքն «ինչը շատ ես ուզում, գլխիդ չի գա՞»: Ես հավատում եմ դրան, քանի որ իմ մի շարք երազանքներին հասել եմ օրս ծրագրելով և երազանքներիս անընդհատ նշանակություն տալով: Ես միշտ երազանքներս թղթին հանձնած պահել եմ գրպանումս:

Առաջին երազանքս, որ կատարվեց, համակարգիչն էր: Օր ու գիշեր ես համակարգչի մասին էի երազում: Այդ ժամանակ ես կահույքի խանութում ավագ մասնագետ էի աշխատում և ինչ-ինչ պատճառներով խանութների ցանցը լուծարվում էր, իսկ փակված խանութների համակարգիչները բերել էին խանութի պահեստ: Մի անգամ ինձ տնօրենն ասաց, որ վաճառում է դրանք: Ինձ թվաց, որ դա երազ է: Իհարկե, գինը գերազանցում էր իմ աշխատավարձը մոտ 3 անգամ: Ես համաձայնեցի վերցնել դրանցից մեկն ու 3 ամիս աշխատավարձս թողնել խանութում: Բայց նման համակարգիչ խանութից գնելու համար ինձ ավելի շատ գումար անհրաժեշտ կլիներ: Փաստորեն՝ համակարգիչն ինքն եկավ ինձ մոտ:

Հետո մեքենաս հայտնվեց: Մինչ մեքենա ունենալը ես արդեն տան աթոռներն էի մեքենա պատկերացնում: Մի ծանոթ ունեի, որը թեթև վթարի էր ենթարկվել ու դատական հարցերի համար շտապ գումար էր անհրաժեշտ: Գումարը, բնականաբար, մեքենայի գնից շատ ավելի քիչ էր: Ամենահետաքրքիրն այն է, որ նա առաջինն ինձ այդ հարցով դիմեց, չնայած իմ այդ երազանքի մասին ես երբեք նրա մոտ չէի բարձրաձայնել: Կարծում եք` այն, ինչի մասին երազում ու մտածում եի, պատահական հանդիպեցի՞:

Անընդհատ հիշեք ձեր երազանքների մասին, պարզեք ձեզ մեջ դրանց հասնելու ցանկության մեծությունը, պլանավորեք ձեր քայլերն ու երազանքն իրականացած է:

Հեղինակի մասին

Karen

14 մեկնաբանություն

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»