Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Բիզնես և ֆինանսներ Բիզնես մտքեր

Բիզնես մտքեր Հայաստանում. Puzzle Ձեր նկարով

Մոտ 3 տարի առաջ, 4 ընկերներով նոր էինք սկսում բիզնեսի ուղղությամբ մտածել ու առաջին քայլերն անել, ու հիշում եմ, որ բազում գաղափարներ ունեինք, որոնք բոլորն էլ ուզում էինք փորձել: Մի մասը փորձեցինք, մի մասը՝ ոչ, ամեն դեպքում՝ կուզեմ դրանցից մի քանիսը ներկայացնել: Ամենահետաքրքիրներից մեկը՝ մարդու դիմանկարով կամ ցանկացած այլ պատկերով Puzzle-ի օնլայն պատվերն էր: Պարզեցինք, որ կան այսպես կոչված puzzle machine-ներ, որոնց միջոցով կարելի է պատրաստել ցանկացած նկարով puzzle: Սարքը որոշել էինք պատվիրել արտասահմանյան ինչ-որ ինտերնետ խանութից, օրինակ aliexpress.com-ից: Դրանց գինը տատանվում էր 500-ից մինչև 5-6 հազար դոլարի սահմաններում: Հավանաբար, որոշ գումար կավելանար նաև մաքսազերծման ժամանակ, ամեն դեպքում, դրանից հետո մենք կարող էինք ընդունել անսահմանափակ քանակությամբ պատվերներ, իսկ ծախսերը՝ կլինեին նվազագույնը:

Բիզնես գաղափարն ուներ մի քանի առանձնահատկություններ: Նախ, նման puzzle-ները հիանալի նվեր կարող էին լինել տարեդարձների և նման այլ առիթների համար: Երկրորդը, ճիշտ է, լսել էինք, որ Հայաստանում կան նման ծառայություններ, բայց անձամբ չէինք հանդիպել: Հետո, ողջ շեշտը դրվելու էր պատվիրման պրոցեսը հեշտ կազմակերպելու վրա: Այսինքն, լինելու էր կայք, որտեղ մարդիկ գրանցվելու էին, վերբեռնեին իրենց նկարը, կատարեին օնլայն վճարումը և մի քանի օր անց փոստով ստանային իրենց puzzle-ը: Հարմար է, չէ՞: Նաև շատ կարևոր էր փաթեթավորումը: Անհրաժեշտ էր համագործակցել ինչ-որ կազմակերպության հետ և պատվիրել գեղեցիկ ձևավորված և վառ պատկերներով տարբեր չափսերի փոքրիկ արկղեր՝ հայերեն նկարագրություններով: Չնայած այս գաղափարն այդպես էլ չփորձեցինք, քանի որ շարժվեցինք այլ ուղղություններով, բայց կարծում եմ՝ միտքը ուշադրության արժանի է: Միգուցե հենց դուք փորձե՞ք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

10 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»