Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ստարտափ

Նա ստեղծեց ռուսական Groupon-ը և աշխատեց միլիոններ

Այս հոդվածը, կարծում եմ, կարող է ոգևորել շատ երիտասարդների: Սա պատմություն է մի ռուս աղջկա մասին, ով 25 տարեկանում արդեն մի քանի հաջողակ ընկերությունների հիմնադիր էր և ուներ սեփական ներդրումային ֆոնդը: Ելենա Մասլովան իր առաջին ստարտափը ստեղծում է 22 տարեկանում: Այն կոչվում էր «Smart Книга» և վաճառում էր բիզնես գրքերի կրճատ տարբերակները կորպորատիվ հաճախորդներին: Ընկերությունն աշխատում էր ամսեկան մի քանի հազար դոլար (իմիջիայլոց, հենց այս ժամանակ էլ Ելենան ծանոթանում է Բիլլ Գեյթսի հետ): Սակայն, նույնիսկ մինչ այդ ստարտափը ստեղծելը, երբ Ելենան դեռ սովորում էր տնտեսագիտական բարձրագույն դպրոցում, իր ընկերների հետ միասին նա կազմակերպում էր երեկույթներ ուսանողների համար, որտեղ էլ աշխատում է իր առաջին 100 դոլարը: Այսինքն, բիզնես մտածելակերպն այս աղջկա մեջ դեռ վաղուց կար:

Գործընկերոջ հետ միասին՝ 2008թ-ին Ելենան ստեղծում է AddVenture ներդրումային ֆոնդը, որը ֆինանսավորում էր IT ոլորտի նախագծեր: AddVenture-ից են դուրս գալիս ռուսական մի քանի հաջողված նախագծեր, որոնցից է օրինակ altergeo-ն: Սակայն Ելենայի գլխավոր գլուխգործոցը darberry.ru-ն էր` ամերիկյան Groupon-ի ռուսական տարբերակը: Կայքը ստեղծվում է ընդամենը մի քանի շաբաթում, իսկ մի քանի ամիս անց այն ձեռք է բերվում Groupon-ի կողմից: Գործարքի ճշգրիտ գինը հայտնի չէ, սակայն խոսքը գնում է ութանիշ թվի մասին, այսինքն ոչ պակաս, քան 10 միլիոն դոլարը: Այժմ Ելենան հանդիսանում է նաև AddVenture-ից դուրս եկած Pixonic ընկերության տնօրենը: Ընկերությունը զբաղվում է սոցիալական խաղերի ստեղծմամբ և ունի տարեկան հարյուր հազարավոր դոլարների շրջանառություն:

Եվ այս ամենը, համոզված եմ, որ վերջը չէ: Եթե մարդու մեջ կա գործարարի և ստեղծելու եռանդը, ապա դեռ շատ նախագծեր կհայտնվեն նրա անվան տակ: Դիտեք նաև հարցազրույցը Ելենա Մասլովայի հետ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»