Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողակ մարդիկ

Discovery. աշխարհի ամենահարուստ մարդիկ

Ժամանակին շատ էի սիրում դիտել Discovery-ի հաղորդաշարերից մեկը՝ «Աշխարհի ամենահարուստ մարդիկ»: Հետո գտա նաև երկրորդը՝ «Եվրոպայի ամենահարուստ մարդիկ»: Ուղղակի սկզբում հետաքրքիր էր՝ ինչպե՞ս են մարդիկ կարողացել անել այն, ինչն անհասանելի է գրեթե բոլոր մարդկանց համար: Իրոք շատ հետաքրքիր հաղորդումներ են: Հանած մի քանիսը՝ մյուս դեպքերում յուրաքանչյուր մարդու պատմությունից կարելի է մի բան վերցնել, մի բան սովորել և գտնել ընդհանրություններ բոլոր պատմությունների մեջ: Շատ դեպքերում մարդիկ պարզապես ստեղծել են, զբաղվել իրենց սիրած գործով, փորձել ինչ-որ բան փոխել և արդյունքում… Չե՞ք հավատում: Դիտեք մի քանիսը:



Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»