Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Բիզնես և ֆինանսներ

Բիզնես մոդել. Freemium

Մեզանից շատերը լսել են «պրեմիում» բիզնես մոդելի մասին: Այս մոդելը հիմնված է բարձրորակ վերջնական ապրանք կամ ծառայություն տրամադրելու վրա: Պրեմիում բիզնես մոդելի օրինակ են Ռոլս-Ռոյսն ու Մերսեդես-Բենցը, Gucci պայուսակները, Rolex ժամացույցները, և այլն: Իսկ երբևէ լսե՞լ եք «ֆրիմիում» բիզնես մոդելի մասին: Անգլերեն Free + Premium բառերի համադրությունից՝ Freemium-ը ենթադրում է պրոդուկտի անվճար տրամադրում՝ դրա ընդլայնված տարբերակը վաճառելու նպատակով: Freemium բիզնես մոդելով է աշխատում, օրինակ, Skype-ը, երբ ինտերնետում զանգեր կատարելու հնարավորությունը տրամադրվում է անվճար, իսկ բջջային կամ քաղաքային հեռախոսահամարներին զանգահարելու համար դուք պետք է վճարեք: Freemium ծառայության մեկ այլ օրինակ է Dropbox-ը, երբ մինչև 2ԳԲ տարածքը տրամադրվում է անվճար, բայց դրանից ավել օգտագործելու համար դուք կրկին պետք է վճարեք:

Freemium բիզնես մոդելը հիմնականում վերաբերվում է մոբայլ և համակարգչային ծրագրերին, խաղերին և ինտերնետ ծառայություններին: Այս շուկաներն այսօր աճում են մեծ տեմպերով: Օրինակ, մոբայլ ծրագրերի շուկան գնահատվում է մոտ 30 միլիարդ դոլար տարեկան: Եվ որպեսզի նոր պրոդուկտը կարողանա մտնել շուկա, որպեսզի կարողանա մրցակցել արդեն գոյություն ունեցող պրոդուկտների հետ, նա պետք է առաջարկի էքսկլյուզիվ ինչ-որ բան, քանի որ այս շուկաներում բազմազանությունն այնքան մեծ է, որ դժվար է մարդկանց համոզել վճարել ինչ-որ նոր բանի համար. դրա անվճար այլընտրանքը մարդիկ միշտ էլ կգտնեն: Իսկ առաջարկելով ինչ-որ բան անվճար՝ դու հնարավորություն ես տալիս մարդկանց ծանոթանալ քո պրոդուկտին, մեծացնում ես օգտվողների բազան և երբ մշտական օգտվողներն արդեն գտնված են՝ առաջարկում ես նրանց լրացուցիչ ծառայություններ, բայց արդեն վճարովի: Այդ դեպքում, իհարկե ոչ բոլորը, բայց շատերը պատրաստ կլինեն վճարել նրա համար, ինչն իրենք արդեն փորձել են, ինչին սովորել են և ինչն իրենց դուր է եկել: Այսինքն, Freemium բիզնես մոդելը ենթադրում է ինչ-որ բանի 100% անվճար տրամադրում՝ 10% այլ ծառայություններ վաճառելու համար: Անձամբ ես այս մոդելը շատ եմ հավանում: Եվ եթե մի օր ստեղծեմ, օրինակ, ինչ-որ մոբայլ ծրագիր, հենց այս մոդելն էլ կիրառելու եմ:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

3 մեկնաբանություն

  • Հրաչ ջան Ես հասկացա ինչի համար են ծառայությունները անվճար տրամադրվում,բայց չեմ հասկանում նմանատիպ ծառայությունները ինչպես են զարգանում այդ դեպքում…,ընդ որում տարեկան մի քանի միլիոնից մինչև միլիարդների հասնող շրջանառությանբ…խոսքս մասնավորապես մեզ քաջ հայտնի Սկայպի մասին է,որը գրեթե ամբողջովին անվճար է,և ամբողջ աշխարհում գործածվող.

    • Գագո ջան սկայփը մի շարք այլ ծառայություններ ունի: Օրինակ, սկայփից-հեռախոս զանգելը վճարովի է, ու դրանից շատ մարդիկ են օգտվում: Կամ եթե ուզում ես 3 հոգուց ավել մարդով կոնֆերենս զանգ անել ու վիդեոն միացնել՝ չես կարող անվճար տարբերակով, դա նույնպես վճարովի է: Ու էլի կլինեն ծառայություններ, որոնցից ես տեղյակ չեմ… Հենց նման ծառայությունների շնորհիվ են աշխատում, քանի որ սկայփից օգտվողների քանակը շատ մեծ է՝ անվճար ծառայությունների հաշվին:

    • Սկայփից-հեռախոս զանգեր կատարելը գիտեմ,որ վճարովի է,բայց 3 հոգուց ավել մարդով տեսազանգ անելը ինչքան գիտեմ անվճար է Հրաչ ջան,մի քանի ամիս առաջ արել եմ …. 😉 այսինքն սկզբից անվճար տրամադրում են,մինչև մեծ լսարան-հաճախորդ հավաքելը,ու հետո ինչ-որ ծառայություններ դարձնում վճարովի….?
      Իսկ տեղյակ ես Սկայփն էլ է նույն ձևով զարգացել…

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»