Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Ստարտափ

Ծրագրեր, միջոցառումներ և մրցույթներ ստարտափների համար

Այսօր ուզում եմ խոսել f6s.com կայքի մասին: Սա մի համայնք է, որտեղ ստարտափները կարող են հանդիպել բիզնես-աքսելերատորների, ինկուբատորների հետ, իմանալ սպասվելիք միջոցառումների և մրցույթների մասին, մի խոսքով՝ պահել ձեռքը ստարտափ աշխարհի զարկերակին: Կայքում այս պահին առկա են 2000-ից ավելի ծրագրեր և միջոցառումներ, որոնց դուք կարող եք մասնակցել: Եվ ոչ միայն: Կա նաև «Աշխատանք» բաժինը, որտեղ դուք կարող եք գտնել աշխատանքի հայտարարություններ միջազգային հայտնի տեխնոլոգիական ընկերություններում և ստարտափներում: Կա նաև հատուկ առաջարկությունների բաժինը (Deals), որտեղ ստարտափներին առաջարկվում են տարբեր ծառայություններ: Նաև, այստեղ ներկա լինելը հնարավորություն է տալիս «տեսանելի լինել» բիզնես-աքսելերատորների և նման կազմակերպությունների համար: Օրինակ, երեկ f6s-ի միջոցով հրավեր ստացանք Ավստրալիայում գտնվող ANZ Innovyz START բիզնես-աքսելերատորից՝ ուղարկել դիմում իրենց ձմեռային 3-ամսյա ծրագրին մասնակցելու համար: Այնպես որ, եթե ունեք ստարտափ, ապա այս կայքում գրանցվեք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»