Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Բիզնես և ֆինանսներ

Չինաստան. համաշխարհային մեծ գործարան

Չինաստան… Համոզված եմ, որ շատերի մտքով է անցել ներկրել ապրանքներ այս երկրից: Չինաստանն իրոք դարձել է համաշխարհային մի մեծ գործարան, որի արտադրանքն, ասում են, վերավաճառվում է տասնյակ և ավելի անգամ թանկ: Երբ դիտում էի տեսանյութը, զարմացա, որ Չինաստանում կան քաղաքներ, որոնք զբաղվում են միայն մեկ ապրանքի արտադրությամբ, այսինքն այդ քաղաքում հարյուրավոր գործարաններ արտադրում են միայն մեկ տեսակի ապրանք: Պատկերացնո՞ւմ եք ինչ ծավալների մասին է խոսքը: Հենց ապրանքների քանակության վրա էլ չինական գործարանները բարգավաճում են: Իսկ եթե խոսենք որակի մասին, ապա կարծիք կա, որ չինական ապրանքները բացառապես անորակ են: Ես դրա հետ համաձայն չեմ: Անորակ ապրանքներ, իհարկե, շատ կլինեն, բայց դա չի նշանակում, որ որակով ապրանքներ չկան: Պետք է իմանալ՝ որտեղ փնտրել, ում հետ աշխատել և այլն: Եվ եթե դուք ձեր պլաններում ունեք ինչ-որ կերպ աշխատել Չինաստանի հետ, ապա անպայման դիտեք 2013թ-ին նկարահանված այս տեսանյութը Չինաստանի՝ որպես մեծ գործարանի մասին: Նույնիսկ, եթե այդպիսի պլաններ չունեք, կրկին դիտեք. տեսանյութը շատ հետաքրքիր է 🙂


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»