Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողակ մարդիկ

Լեգենդար գործարարներ. Դոնալդ Տրամպ

Դոնալդ Տրամպին մարդիկ տարբեր ձև են վերաբերվում՝ շատերը սիրում են, մյուսներն՝ ատում: Անձամբ ես լսել եմ նրա աուդիոգրքերից մի քանիսը և դրանք ինձ դուր են եկել: Նրա մեջ կա «գործարարի ոգի»: Չնայած Դոնալդ Տրամպն այն գործարարներից չէ, ովքեր սկսել են զրոյից և հասել են ամեն ինչի, բայց նա այն մարդկանցից է, ովքեր կարողանում են ոտքի կանգնել ամեն մի տապալումից հետո: Նրա հայտնի՝ «ես տեսա փողոցում մուրացկանին և հասկացա, որ նա հարուստ է ինձանից 9,5 միլիարդ դոլարով» արտահայտությունը վերաբերվում է այն ժամանակին, երբ ունենալով հսկայական պարտքեր և գտնվելով «անդունդի եզրին»՝ նա կրկին կարողանում է ոտքի կանգնել: Դոնալդ Տրամպին չես համեմատի Ռիչարդ Բրենսոնի կամ Սթիվ Ջոբսի հետ. նրանք տարբեր են: Ամեն դեպքում, ինչպես բոլոր մարդկանցից, ովքեր հասել են զգալի արդյունքների, նրանից նույնպես կարելի է ինչ-որ բան սովորել: Իսկ թե ինչ եք դուք ուզում սովորել հանրահայտ ամերիկյան մագնատից, որոշեք ինքներդ՝ դիտելով նրա մասին պատմող տեսանյութը:


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»