Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Ստարտափ

Որոշել ե՞ք ստեղծել թեմատիկ սոցցանց

Ճապոնական m3.com սոցցանցն աշխարհի ամենամեծ սոցիալական ցանցն է բժիշկների համար: Դրանում գրանցված են մոտ 200 000 բժիշկներ, ընկերությունը ցուցակված է Տոկիոյի ֆոնդային բորսայում և դրա շուկայական արժեքն է մի քանի տասնյակ միլիարդ դոլար:

Սոցիալական ցանցերի թեման միշտ էլ հետաքրքրել է ինտերնետ գործարարներին, քանի որ աչքի առաջ են զրոյից հաջողության հասած մի շարք սոցցանցեր, որոնց արժեքը գնահատվում է միլիարդավոր դոլարներով: Սակայն ստեղծել նոր Ֆեյսբուք, Թվիթեր կամ Ինսթագրամ գրեթե անհնար է, քանի որ այս հսկաներն արդեն գրավել են շուկան: Այդ պատճառով նոր սոցցանցեր ստեղծող ստարտափները հիմնականում կենտրոնանում են երկու տիպի սոցցանցերի վրա՝ լոկալ և թեմատիկ: Լոկալ սոցցանցերի հայտնի օրինակներ կան, օրինակ, Ռուսաստանում կամ Չինաստանում: Իսկ թեմատիկ սոցցանցեր ստեղծվում են ամեն օր: Դրանք նախատեսված են երաժիշտների, ավտոսիրողների, խոհարարների, տուրիզմի սիրահարների և բազմաթիվ այլ խմբերի համար: Ռուսական այդպիսի երկու սոցցանցերի մասին պատմող տեսանյութ էլ ներկայացնում եմ ձեզ:


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»