Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Անձնային աճ

Դավիթ Յանի գիրքը առողջ սննդի մասին

Պարզվում է, որ հայտնի գործարար, ABBYY ընկերության հիմնադիր Դավիթ Յանը նաև գրքեր է գրում և ոչ թե բիզնեսի, այլ ավելի սոցիալական և կարևոր հարցերի, օրինակ, առողջ սննդի մասին: «Հիմա ես ուտում եմ այն, ինչ ցանկանամ» գիրքն առայժմ չեմ կարդացել, բայց փոքրիկ տեսանյութը դիտելուց հետո (այն կարող եք գտնել հոդվածից հետո), սկսեցի ուսումնասիրել ամենօրյա սննդի մաս կազմող այն 4 բաղադրիչները, որոնց մասին խոսում է հեղինակը և դրանցից մեկի ճիշտ օգտագործման հետ կապված արդեն քայլեր եմ անում: Գրքի առավելություններից մեկը կայանում է նրանում, որ հեղինակի բոլոր եզրահանգումները հիմնված են Առողջապահության Համաշխարհային Կազմակերպություն խորհուրդների և հետազոտությունների վրա: Այսինքն, բացի այն, որ դրանք գրված են խելացի մարդու կողմից, նաև հիմնավորված են նման պրոֆեսիոնալ կառույցի տվյալներով: Եթե ձեզ հետաքրքիր էր այս ամենը, առնվազն դիտեք տեսանյութը 🙂


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»