Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողակ մարդիկ

Հենրի Հայնց. կետչուպի արքան

Դուք ծանո՞թ եք Heinz կետչուպին: Իհարկե, ծանոթ եք: Այն կարելի է հանդիպել Երևանի բոլոր սուպերմարկետներում: Իսկ գիտե՞ք, որ Heinz կետչուպը ԱՄՆ կետչուպի շուկայում զբաղեցնում է 98%-ը: Հսկայական մեծ թիվ, որպեսզի իմանալ, թե ով է դրա ստեղծողը: Իսկ ստեղծողը ԱՄՆ-ում, գերմանացի գաղթականների ընտանիքում ծնված Հենրի Հայնցն է: Նա տարերքը փոքր տարիքից հողագործությունն էր: Նա սկսեց իր բիզնեսը տան դիմացի փոքր հողակտորից, բանջարեղեններ վաճառեց հարևաններին, աստիճանաբար անցավ դեպի քաղաք, իսկ տարիներ անց նրա արտադրանքը գրավում էր երկրներ: Հենրի Հայնցի խելքի, գործարարի տաղանդի ու հաջողության մասին երկար կարելի է խոսել, բայց կա հիանալի վավերագրական ֆիլմ, որն էլ ներկայացնում եմ ձեզ: Իրոք որ շատ լավ ֆիլմ է, դիտվում է որպես գեղարվեստական, ես մեծ հաճույք ստացա դրանից: Ժամանակ գտեք և անպայման դիտեք:


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»