Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ստարտափ

Թե ինչպես միլիարդանոց ընկերությունը սկսվեց WordPress բլոգից. Lean Startup-ի սկզբունքը

Groupon-ը պատմության ընթացքում ամենաարագ աճող ընկերություններից մեկն է: Նրա անվանումը կապված է «խմբակային կտրոնների» գաղափարի հետ, որը հնարավորություն է տալիս մարդկանց խմբակային զեղչեր ստանալ: Սա նոր մոտեցում էր բիզնեսում, որը սկիզբ դրեց սոցիալական ցանցերի միջոցով վաճառքի մի ամբողջ նոր ուղղության: Բայց հաջողությունը չեկավ միանգամից: Groupon-ի առաջին գործարքը շատ համեստ էր. 20 մարդ զեղչով պիցցա գնեցին Չիկագոյի ռեստորաններից մեկում: Նման իրադարձությունը դժվար թե ցնցեր աշխարհը:

Սկզբում Groupon ընկերությունը ընդհանրապես չէր պատրաստվում ինչ-որ բան վաճառել: Դրա հիմնադիր Էնդրյու Մեյսոնը ուզում էր «խմբակային գործողությունների հարթակ» ստեղծել (The Point անվանմամբ), որտեղ մարդիկ կարող էին միավորվել ինչ-որ խնդիր լուծելու համար, որը նրանք չէին կարող լուծել միայնակ, օրինակ, այս կամ այն նպատակի համար միջոցներ հավաքելը կամ տեղական խանութներից մեկը բոյկոտելը: The Point-ի առաջին հաջողությունները նույնպես շատ համեստ էին, և 2008թ-ի վերջին ընկերության հիմնադիրները որոշեցին ինչ-որ նոր բան փորձել: Նրանք բոլորն էլ մեծ ձգտումներ ունեին, բայց ուզում էին, որ նոր պրոդուկտը լինի հնարավորինս պարզ: Այդպես նրանք ստեղծեցին նվազագույն աշխատող պրոդուկտը: Ահա թե ինչ է պատմում այդ մասին Էնդրյու Մեյսոնը.

«Մենք բացեցինք բլոգ WordPress կայքում, ազատվեցինք բոլոր ավելորդություններից, ընտրեցինք Groupon անվանումը և սկսեցինք ամեն օր գրառումներ անել: Ամեն ինչ շատ պարզ էր: Groupon-ի առաջին տարբերակում մենք վերնաշապիկներ էինք վաճառում: Բլոգում մենք գրում էինք. «Այս վերնաշապիկը կարմիր գույնի է և մեծ չափսի: Եթե ձեզ պետք է այլ գույն կամ այլ չափս, հայտնեք մեզ այդ մասին էլեկտրոնային փոստի միջոցով»: Մենք նույնիսկ համապատասխան դաշտեր չունեինք կայքում, որտեղ հաճախորդը կարող էր մտցնել այդ ինֆորմացիան: Ամեն ինչ արվում էր շատ արագ: Սակայն դա բավական էր մեր մոդելը ստուգելու համար և հասկանալու, որ մարդիկ կընդունեն դա: Կտրոնը ստեղծելու համար մենք օգտագործում էինք FileMaker ծրագիրը և էլեկտրոնային նամակի միջոցով ուղարկում էինք մարդկանց դրա PDF-տարբերակը: Եկավ մի պահ, երբ մեկ օրվա ընթացքում մենք վաճառում էինք սուշիի 500 կտրոն և միաժամանակ Apple Mail-ի միջոցով ուղարկում էինք 500 PDF-կտրոն: Իրականում առաջին ամիսների ընթացքում մենք ուղղակի փորձում էինք հասկանալ, թե ինչպես մենք պետք է գործենք: Մենք ուզում էինք հասկանալ, թե ինչ է պետք մարդկանց»:

Դժվար է չէ՞ պատկերացնել, որ խոսքը գնում է մի քանի միլիարդ դոլար արժողությամբ ընկերության մասին: Բայց բլոգն ու պիցցայի կտրոնները բավարար եղան, որպեսզի ապահովեն Groupon-ի հետագա ահռելի հաջողությունը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

  • Գագո ջան եկամտաբերը եկմատաբերա, բայց իրականում այդքան էլ պարզ ու արագ չի: Այդ ամեն ինչը տարիների ու երկարատև ծանր աշխատանքի արդյունք է, որը նման հոդվածներում չի երևում 🙂

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»