Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ստարտափ

Ինչպիսի մարդկանցով համալրել թիմը. Պոլ Ինգլիշ

Պոլ Ինգլիշը Kayak.com ընկերության և BLADE բոսթոնյան ստարտափի հիմնադիրն է: Նա փորձառու գործարար է, ով ձեռնարկատիրություն է դասավանդում Մասաչուսեթսի տեխնոլոգիական ինստիտուտում: Իր կայքում Պոլը հրապարակում է «անձնակազմը համալրելու» թեմայով իր դասախոսությունների համառոտագիրը, որից որոշ մեջբերումներ ուզում եմ անել այստեղ:

«Ես հսկայական ժամանակ եմ ծախսում անձնակազմի համալրման վրա: Հարցրեք յուրաքանչյուրին իմ ընկերությունում. «Ի՞նչն է Պոլի համար ամենակարևորը» և նա կպատասխանի. «Սկզբում թիմը, ապա հաճախորդները և հետո միայն ֆինանսական ցուցանիշները»: Ես իրոք ուզում եմ ստեղծել յուրահատուկ, երազանքի թիմ և ամեն օր մտածում եմ դրա մասին: Սիրում եմ հարցնել շրջապատի մարդկանց. «Ո՞վ է ամենախելոք մարդը, ում դուք հանդիպել եք: Ի՞սկ ամենաստեղծագործը»: Եթե ինչ-որ մեկը պատասխանում է. «Տաս տարի առաջ Օհայոյում ես հանդիպել եմ նման մի մարդու, ով հիմա ապրում է արտասահմանում ինչ-որ տեղ», ես փնտրում և գտնում եմ այդ մարդուն և առաջարկում եմ նրան աշխատանք: Մի անգամ ես աշխատանքի վերցրեցի մի տղայի, ով թիավարում մարզաձևում օլիմպիական մեդալ էր նվաճել: Ես մտածեցի, որ այդ տղան երևի ամեն ինչ գիտի նպատակներին հասնելու համառության մասին: Ես ընդհանրապես սիրում եմ բազմազանությունը. ամեն ինչում՝ ոճ, մտածելակերպ, հաջողություն, լեզուներ: Ինձ մոտ աշխատում են մարդիկ աշխարհի տարբեր ծայրերից՝ Գերմանիա, Հունաստան, Ռուսաստան, Հնդկաստան:

Երբ մեզ մոտ աշխատանքի են դիմում, ես ուզում եմ, որ դիմողը համաձայնվի մեզ մոտ աշխատել մինչև աշխատավարձի չափն ու իր պաշտոնը իմանալը: Ես նրան ասում եմ, որ մեզ մոտ աշխատելն իսկական հաճույք է, բայց փոխարենը երկու բան եմ խնդրում: Առաջինը, մարդը պետք է խոստանա, որ կգործադրի իր բոլոր ջանքերը, և երկրորդը, որ նա կօգնի թիմի մյուս անդամներին և կփոխանցի նրանց իր էներգիան: Շատ ընկերություններում գործում է հետևյալ կանոնը. «No Assholes!»: Այսինքն, եթե նույնիսկ ամենախելացի ծրագրավորողն իրեն հիմարի պես է պահում, նրան հեռացնում են: Ինձ մոտ կա այլ կանոն. «ո՛չ մի միջակություն»: Ես ստուգում եմ դա այսպես. եթե մարդը քայլում է միջանցքով և թիմի մյուս անդամները նրան չեն նկատում կամ նրա վրա ուշադրություն չեն դարձնում, ապա նման մարդու ես աշխատանքի չեմ վերցնի: Ես շատ լուրջ եմ վերաբերվում այն ամենին, ինչը կապված է խելքի հետ: Ես սիրում եմ շրջապատել ինձ մարդկանցով, ովքեր ինձանից խելոք են: Սիրում եմ նպատակասլաց, կրքոտ, սեփական ուժերի վրա վստահ, ազնիվ աշխատակիցներին, ովքեր միշտ կարող են ծիծաղել սեփական սխալների վրա: Չեմ հանդուրժում մարդկանց, ովքեր չեն կարողանում աշխատել թիմում:

Մեզ մոտ աշխատանքի վերցնելու գործընթացը երբեք չի տևում մեկ շաբաթից ավելի: Ենթադրենք, երկուշաբթի մենք ստանում ենք լավ ռեզյումե: Հարցազրույցը նշանակում ենք երեքշաբթի: Լավ արդյունքների դեպքում նշանակում ենք երկրորդ հարցազրույցը հինգշաբթի, իսկ ուրբաթ մարդուն արդեն աշխատանքի ենք վերցնում: Նման կարգապահությունը թույլ է տալիս մեզ բոլորից արագ ձեռք բերել լավագույն աշխատակիցներին, ինչով աչքի չեն ընկնում մեր մրցակիցները: Հարցազրույցի ընթացքում ես ձգտում եմ առանձնապես «ճնշում չգործադրել», որպեսզի մարդն իրեն ազատ զգա: Խնդրում եմ նրան մանրամասն պատմել իր նախորդ նախագծերի մասին, քանի որ պարզապես բառերը ոչինչ չեն ասում: Եթե թեկնածուն ինձ դուր է գալիս, ես ամեն ինչ անում եմ նրան ստանալու համար: Ես ձգտում եմ դուր գալ նրան, բացատրում եմ, թե ինչու է նա թիմի համար այդքան կարևոր: Ես չեմ խուսափում «կաշառքներից»: Օրինակ, կարող եմ ծաղկեփունջ ուղարկել նրա տուն կամ իր ընտանիքի հետ համատեղ ընթրիքի հրավիրել»:

Հ.Գ.
Ահա նման մի կարծիք թիմի ձևավորման մասին: Այն, որ թիմն ամենակարևորն է ցանկացած գործում և բիզնեսում, ես լիովին համաձայն եմ: Սկզբում թիմը, ապա հաճախորդները: Իսկ դուք ի՞նչ կարծիքի եք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

  • Հաճախորդի բավարարված — չ`բավարարված լինելը կախված է թիմի աշխատելաոճից: Հետևաբար Թիմն ամենակարեվորն է: !

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»