Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Կյանքում միշտ էլ տեղ կա սխրանքի. Հովհաննես Լոլոյան

Վերջերս ծանոթացա մի մարդու հետ, ում՝ տարիներ առաջ կատարած սխրանքը հիացմունքի է արժանի: Հովհաննես Լոլոյանը 2004թ-ին անվասայլակով անցնում է մոտ 2400 կիլոմետր՝ անցնելով 7 երկրների տարածքով և հասնելով Գյումրիից Աթենք: Պատկերացնո՞ւմ եք: Մտքի ազատության և կամքի հսկայական ուժի պատմություն է սա:

Երբ խոսում էի Հովհաննեսի հետ, այսպիսի մի պատմություն պատմեց նա: Դեպի Աթենք ճանապարհը հաղթահարելուց հետո, որոշ ժամանակով նա մեկնում է ԱՄՆ: Գլենդելի հյուրանոցներից մեկի համարում, երբ նրանից հարցազրույց է վերցնում իրանահայ լրագրողուհին, կիսաբաց դռան արանքով Հովհաննեսը նկատում է հյուրանոցի մեքսիկացի մի աշխատողի և ընդհատելով հարցազրույցն ու ներողություն խնդրելով՝ հրավիրում է նրան ներս և խնդրում լուսանկարել իրենց: Երբ մեքսիկացին գնում է, զարմացած լրագրողուհին մի քանի րոպե ապշած նայում էր՝ փորձելով հասկանալ, թե ինչ հենց նոր կատարվեց: Եվ ահա, թե ինչպես է բացատրում կատարվածը մեր հերոսը.

«Ես գտնվում էի Միացյալ Նահանգներում, հսկայական երկնաքերերից մեկում, ինձանից հարցազրույց էր վերցնում իրանահայ լրագրողուհին, ես զգում էի, թե ինչպիսի մեծ քայլ եմ կատարել՝ հասնելով Հայաստանից Հունաստան և բարձրացնելով հայկական դրոշն ու ցույց տալով հայի հզոր կամքի ուժը: Չորս հզոր քաղաքակրթություններ էին ընդգրկված այդ պահի մեջ՝ Հայաստան, Հունաստան, Պարսկաստան և ԱՄՆ: Եվ երբ ես տեսա հին քաղաքակրթություններից մեկի ներկայացուցիչ մեքսիկացուն, իմ մեջ պարզապես ցանկություն առաջացավ լուսանկարել իմ երջանկության պահը: Շատերին է հաջողվում կարևոր պահեր լուսանկարել, բայց ինձ հաջողվեց լուսանկարվել երջանկության հետ: Եվ այդ պահին ես հասկացա, որ այսուհետ ապրելու եմ բոլորի համար, քանի որ իմ գագաթնակետին ես արդեն հասա»:

Մեր օրերի անչափ մոտիվացնող պատմություն է, դիտեք տեսանյութը, իսկ Հովհաննեսի հետ ծանոթանալ կարող եք այստեղ:

Հ.Գ. Նույնիսկ ֆիլմ կարելի է նկարահանել այս պատմության հիման վրա:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»