«Փոխիր կյանքդ-2»


Սա հեղինակի՝ «Փոխիր կյանքդ» գրքի շարունակությունն է: Անձնական փորձի, իրական պատմությունների և հեղինակային առակների միջոցով ներկայացվում է, թե ինչպես կարելի է երջանիկ լինել և սկսել հաջողության ճանապարհը` ապրելով Հայաստանում:

   

 

Հաջողության գաղտնիքներ

Ես խնդրեցի… բայց կյանքը ինձ տվեց…

Ես ուժ խնդրեցի…
Բայց կյանքն ինձ տվեց դժվարություններ, որպեսզի դարձնի ինձ ուժեղ:

Ես իմաստություն խնդրեցի…
Բայց կյանքն ինձ տվեց խնդիրներ, որպեսզի ես դրանք լուծեմ:

Ես հարստություն խնդրեցի…
Բայց կյանքն ինձ տվեց խելք ու մկաններ, որպեսզի ես աշխատեմ:

Ես խնդրեցի հնարավորություն թռչել…
Բայց կյանքն ինձ տվեց խոչընդոտներ, որպեսզի ես դրանք հաղթահարեմ:

Ես խնդրեցի սեր …
Բայց կյանքը տվեց ինձ մարդկանց, որոնց ես կարող եմ օգնել:

Ես խնդրեցի բարեկեցություն…
Բայց կյանքը տվեց ինձ հնարավորություններ:

Ես ոչինչ չստացա այն ամենից, ինչ խնդրել էի:
Բայց ես ստացա այն ամենը, ինչ ինձ պետք էր:

Հ.Գ.
Բանաստեղծության հեղինակը ես չեմ, բայց այն շատ ճիշտ արտահայտում է այն, ինչ ես զգում եմ: Մենք չենք ստանում կյանքից այն, ինչ խնդրում ենք, բայց ստանում ենք այն, ինչը կարող ենք օգտագործել, որպեսզի ինքներս ստեղծենք այն, ինչ խնդրել ենք:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

10 մեկնաբանություն

  • երբեմն կյանքը մեզ տալիս է այլ բան, քան մենք ենք ակնկալում` չհասկանալով, որ դա հենց այն է, ինչ մեզ պետք է………..

  • Ես Աստծուն խնդրեցի, որ նա ինձանից վերցնի իմ հպարտությունը,
    Եւ Աստված ինձ ասաց. «Ո՛չ»:
    Նա ասաց, որ հպարտությունը չի վերցվում, այլ հրաժարվում են դրանից:

    Ես Աստծուն խնդրեցի բուժել անկողնուն գամված իմ դստերը,
    Եւ Աստված ինձ ասաց. «Ո՛չ»:
    Նա ասաց, որ նրա հոգին վնասված չէ, իսկ մարմինը, միեւնույն է, մեռնելու է:

    Ես Աստծուն խնդրեցի համբերություն շնորհել ինձ,
    Եւ Աստված ինձ ասաց. «Ո՛չ»:
    Նա ասաց, որ համբերությունը փորձությունների արդյունքում է առաջանում: Այն չեն շնորհում, այլ արժանի են դառնում դրան:

    Ես Աստծուն խնդրեցի երջանկություն պարգեւել ինձ,
    Եւ Աստված ինձ ասաց. «Ո՛չ»:
    Նա ասաց, որ օրհնություններ է շնորհում, իսկ երջանիկ կլինե՞մ ես, թե՞ ոչ, ինձանից է կախված:

    Ես Աստծուն խնդրեցի հեռու պահել ինձ ցավից,
    Եւ Աստված ինձ ասաց. «Ո՛չ»:
    Նա ասաց, որ տառապանքները մարդուն հեռացնում են աշխարհիկ հոգսերից եւ մոտեցնում են իրեն:

    Ես Աստծուն խնդրեցի, որ իմ ոգին աճի,
    Եւ Աստված ինձ ասաց. «Ո՛չ»:
    Նա ասաց, որ ոգին ինքը պետք է աճի:

    Ես Աստծուն խնդրեցի օգնել, որ ես ուրիշներին սիրեմ այնպես, ինչպես ինքն է սիրում ինձ,
    Եւ Աստված ասաց. «Վերջապես դու հասկացար, թե ինչ է հարկավոր խնդրել»:

    Ես ուժեր խնդրեցի,
    Եւ Աստված ինձ փորձություններ ուղարկեց, որպեսզի կոփի ինձ:

    Ես իմաստություն խնդրեցի,
    Եւ Աստված ինձ ուղարկեց խնդիրներ, որոնց վրա հարկավոր էր գլուխ ջարդել:

    Ես արիություն խնդրեցի,
    Եւ Աստված ինձ վտանգներ ուղարկեց:

    Ես սեր խնդրեցի,
    Եւ Աստված իմ օգնության կարիքն ունեցող դժբախտներ ուղարկեց ինձ:

    Ես բարիքներ խնդրեցի,
    Եւ Աստված ինձ հնարավորություններ տվեց:

    Ես չստացա ոչինչ այն ամենից, ինչ խնդրել էի:

    Եւ ստացա ամեն ինչ, որ հարկավոր էր ինձ:

    Աստված լսեց իմ աղոթքները:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»