Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Մարքեթինգ

Ինչպե՞ս ճիշտ կազմել գովազդային տեքստը

Ձեզ ենք ներկայացնում մեջբերումներ հայտնի հոգեբան և մարքեթոլոգ Ջո Վիտալեի «հիպնոսացնող գովազդային տեքստեր» գրքից:

Գովազդային տեքստը կազմելիս պետք է ուշադրություն դարձնել, որ այն ունենա հետևյալ բաղկացուցիչ մասերը` խնդիր (գտնում ենք թիրախային լսարանին հուզող խնդիրը և բացահայտ ներկայացնում ենք այն), առաջարկ (ինչպես ենք մենք լուծելու այդ խնդիրը), ապացույց (ապացուցում ենք, որ կարող ենք անել դա), գին:

Գովազդային տեքստը կազմելիս պետք է ուշադրություն դարձնել հետևյալ կետերի վրա:

Դիմեք թիրախային լսարանին: Օրինակ, գովազդի վերնագիրը կարող է սկսվել հետևյալ կերպ` «Առաքիչնե՛ր», «Ծրագրավորողնե՛ր», «Տնային տնտեսուհինե՛ր» և այլն: Իմաստը կայանում է նրանում, որ հենց վերնագրից պարզ լինի, թե ում է ուղղված գովազդը: Օրինակ, «Ծրագրավորողների ուշադրությանն ենք ներկայացնում նոր կենտրոն …»:

Խոստացեք առավելություն կամ օգուտ: Այստեղ ամեն ինչ շատ պարզ է: Ջո Վիտալեն բերում է երկու լավ օրինակ` «Գնեք վերնաշապիկ և երկրորդը ստացեք նվեր» և «Առանց մեջքի ցավերի` 10 րոպեի ընթացքում»: Երկու դեպքում էլ առավելություններն ակնհայտ են:

Վերնագրում օգտագործեք «ինչպես» բառը: Օրինակ` «Ինչպես ստիպել երեխային լսել», «Ինչպես աշխատել ավելի արդյունավետ», «Ինչպես վաճառել ձեր ծրագիրը»: «Ինչպես» բառը հաջողությամբ կարելի է օգտագործել ինչպես ամսագրերի և թերթերի, այնպես էլ ինտերնետ հոդվածների վերնագրերում:

Հետաքրքրություն առաջացնող հարց տվեք: Գրքում Վիտալեն բերում է հիանալի օրինակ` «Դուք դեռ գրո՞ւմ եք սխալներով», «Դուք դեռ չգիտե՞ք անգլերեն»:

Վերնագրում օգտագործեք «այս» և «ինչու» բառերը: Օրինակ` «Այս նավակները երբեք չեն սուզվում», «Ինչո՞ւ մեր շներն ավելի թանկ արժեն», «Ինչո՞ւ են այս դահուկներն անվանում կատարյալ»:

Ինչ-որ բան առաջարկեք անվճար: Վերնագրում առաջարկեք անվճար նվեր, անվճար խորհրդատվություն, փորձելու անվճար հնարավորություն: Կարևոր չէ, թե ինչ` միայն թե անվճար: Անվճարը միշտ էլ ձգում է մարդկանց:

Մատուցեք վերնագիրը որպես նորություն: Այս կետն ավելի հեշտ հասկանալու համար բերենք օրինակներ` «Մազերի վերականգնման նոր բանաձև», «Իրական բեկում ավտոմեքենաների անվտանգության համակարգերում»: Ինչպես տեսնում եք, նշված վերնագրերն ինչ-որ տեղ հիշեցնում են թերթի հոդվածի վերնագրեր: Այսինքն, դրանք պարունակում են նորություն: Իսկ նորությունները միշտ էլ ուշադրություն են գրավում:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

9 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»