Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Աֆորիզմներ

Աֆորիզմներ ինքնազարգացման մասին

Մենք չենք կարող անել ամեն ինչ, բայց մենք կարող ենք անել ավելի շատ, քան սովորաբար անում ենք (Ջեյմս Բյուջենտալ):

Գիտեք, ես շատ անկատար մարդկային արարած եմ: Շատ հեռու եմ կատարյալ լինելուց և հաճախ եմ սխալվում: Բայց ես սովորում եմ: Եվ աշխատում եմ չկրկնել իմ սխալները: Չնայած երբեմն դրանք կրկնում եմ: Ինչո՞ւ: Ամեն ինչ շատ պարզ է: Որովհետեւ ես հիմար եմ ու ոչ կատարյալ: Այդ պահերին ես ինձ առավել չեմ սիրում: Բայց անում եմ ամեն ինչ, որպեսզի երրորդ անգամ նույն սխալը թույլ չտամ: Այդպես ես քիչ-քիչ կատարելագործվում եմ: Թեկուզ քիչ, բայց դա արդեն առաջընթաց է… Ինչ-որ բանը ավելի լավ է, քան ոչինչը (Խարուկի Մուրակամի):

Ամենամեծ սնանկը այս կյանքում նա է, ով սպառել է կյանքի հանդեպ կիրքը (Մեթյու Արնոլդ):

Մարդն ավելի շատ ապրում է այն ժամանակ, երբ ինչ-որ բան է փնտրում (Դոստոյեվսկի):

Միայն դատարկ մարդիկ գիտեն իրենք իրենց (Օ. Ուայլդ):

Եթե դուք ուզում եք շատ վեր բարձրանալ, օգտագործեք սեփական ոտքերը: Թույլ մի տվեք ուրիշներին ձեզ տանել, մի նստեք նրանց գլխին և ուսերին (Նիցշե):

Երբեք ուշ չէ ձեզ հարցնել՝ ես զբաղվում եմ գործով, թե՞ հիմարությամբ (Ա. Չեխով):

Կյանքը դա անընդհատ կատարվող փոփոխություն է: Երբ շարժումը կանգ է առնում, մարդը ծերանում է և մահանում (Ա. Մորուա):

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

  • Կրթության մեծ նպատակը ոչ թե իմանալն է այլ գործելը:
    Մենք քիչ ենք մտածում այն մասին թե ինչ ունենք, այլ միշտ մտածում ենք այն մասին թե ինչ չունենք:
    Երբ մարդը փոխում է իր հարաբերությունները իրերի և մարդկանց նկատմամբ, այդ իրերը և մարդիկ փոխում են իրենց հարաբերությունները նրա նկատմամբ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»