Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Երկրորդ շնչառությունը

Մեր կյանքը նման է սուզված լողալուն: Քեզ համար հանգիստ լողում ես ջրի տակ, ինչպես և ուրիշները: Ջուրը լիցքաթափում է, ջրում դու թեթև ես, ջուրը տանում է քեզ: Ջրում բոլորը լողում են, բոլորը հանգիստ են, բոլորն անհոգ են: Բայց հանկարծ հայտնվում են մարդիկ, որոնք ուզում են լողալ ավելի ու ավելի խորքերը, բացահայտել ջրի գաղտնիքները, սուզվել այնտեղ, որտեղ դեռ ոչ ոք չի եղել: Բայց խորը սուզվելը հեշտ չէ: Ոմանք կեսից ետ են լողում, իսկ մյուսները շարունակում են սուզվել: Եվ հանկարծ այդ մարդկանց մոտ բացվում է երկրորդ շնչառությունը: Երկրորդ շնչառությունը բոլորին չէ, որ ծանոթ է: Մարդիկ, որոնք ապրել են երկրորդ շնչառությունը, պատմում են, որ գալիս է մի պահ, որ կարծես խեղդվում ես, բայց հանկարծ կրկին հանգստություն ես զգում և կարողանում ես շնչել:

Երկրորդ շնչառությունից հետո մարդը փոխվում է: Նա սկսում է ավելի գնահատել կյանքը, դառնում է ավելի ուժեղ ու նպատակասլաց: Նրան հաջողվում է հաղթահարել մի բան, որը բոլորին չէ, որ հաջողվում է հաղթահարել: Կյանքում նույնպես այդպես է: Մենք ապրում ենք հանգիստ լողալով մեր կյանքի ջրերում և գալիս է մի պահ, երբ մենք սկսում ենք խեղդվել մեր խնդիրների մեջ: Եվ այդ պահին մեզ մոտ կամ բացվում է երկրորդ շնչառությունը կամ մենք խեղդվում ենք:

«Երկրորդ շնչառությունն» այն պահն է, երբ մարդու կյանքում ամեն ինչ փոխվում է: Երկրորդ շնչառությունից հետո մարդն այլևս չի լինում այնպես, ինչպես նախկինում: Երկրորդ շնչառությունը սովորաբար լինում է այն բանից հետո, երբ մարդուն թվում է, որ նա խեղդվում է: Երկրորդ շնչառությունը մեկի մոտ բացվում է այն ժամանակ, երբ նա անհրաժեշտ մարդու է հանդիպում, մյուսի մոտ՝ երբ նրա գլխում հանճարեղ միտք է ծագում, երրորդի մոտ՝ երբ նրա կյանքում ինչ-որ իրադարձություն է լինում: Ամեն դեպքում, եթե մենք ուղղակի սպասենք և ոչինչ չանենք, ապա երկրորդ շնչառությունը մեզ մոտ միգուցե երբեք էլ չբացվի և մենք շարունակենք հանգիստ լողալ կյանքի ջրերում: Իսկ եթե անընդհատ աշխատենք այդ ուղղությամբ, շարունակենք սուզվել և մարզել մեր շնչառությունը, ապա այդ ժամանակ մի օր մեզ մոտ էլ կբացվի երկրորդ շնչառությունը և դրանից հետո մեզ մոտ ամեն ինչ կփոխվի: Հերիք է հանգիստ լողալ՝ թող ձեզ մոտ բացվի երկրորդ շնչառությունը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»