Աֆորիզմներ

Աֆորիզմներ դժվարությունների մասին

Մինչև բուն աֆորիզմներին անցնելը մի քանի բան եմ ուզում ասել դժվարությունների մասին: Հիշում եմ, տարիներ առաջ դպրոցական ավարտական երեկոյին ուսուցիչներիցս մեկն ասաց. «կյանքն առանց դժվարությունների անհետաքրքիր է»: Եվ միայն տարիներ հետո ես հասկացա, որ կյանքն առանց դժվարությունների անհնար է: Դրանից ևս մի քանի տարի անց ես հասկացա, որ դժվարությունները միշտ չէ, որ մեզ թուլացնում են, այլ հակառակը` ավելի հաճախ դրանք մեզ ուժեղ են դարձնում: Եվ երբ դա հասկացա, ամեն անգամ, երբ իմ կյանքում ինչ-որ դժվարություն էր լինում, հիշում էի, որ առանց դրա ես կյանքում չեմ կարող առաջ գնալ և դա երջանիկ կյանքի մի մասն է: Երբ սկսեցի դժվարություններին այդպես վերաբերվել, դրանք իմ կյանքում քչացան: Ահա և ողջ հոգեբանությունը… Իսկ հիմա անցնեմ աֆորիզմներին:

Հոռետեսը ամեն հնարավորության մեջ տեսնում է դժվարություն: Լավատեսը ցանկացած դժվարությունում փնտրում է հնարավորություն (Ուինստոն Չերչիլ):

Գրեթե բոլոր գործերում ամենադժվարը սկիզբն է (Ժան Ժակ Ռուսո):

Միշտ ընտրեք ամենաբարդ ճանապարհը, այնտեղ դուք չեք հանդիպի մրցակիցներ (Շառլ Գոլ):

Լավ հնարավորությունը թաքնված է դժվարությունների և խնդիրների մեջ (Էնշտեյն):

Երբեք չեն լինում մեծ գործեր առանց մեծ դժվարությունների (Վոլտեր):

Ցանկացած խնդիր ունի լուծում: Միակ դժվարությունը կայանում է նրանում, որպեսզի գտնել այն (Էվվի Նեֆ):

Կյանքում ոչ մի դժվար բան չկա: Այդ մենք ենք դժվար: Կյանքը պարզ բան է և դրանում ինչն ավելի պարզ է, դա էլ ավելի ճիշտ է (Օսկար Ուայլդ):

Հեղինակի մասին

Հրաչյա Մանուկյան

Հաջողության բլոգի հիմնադիր, անձնային աճի գծով 7 գրքերի հեղինակ:

15 մեկնաբանություն

  • Այ սա ուրիշ )))))) 🙂
    կուզենայի ավելացնել
    Այն ամենը ինչը մեզ չի սպանում ուժ է տալիս
    Ընթացեք առաջ, եթե անգամ դուք ճիշտ ճանապարհին եք և նստել եք ճամփեզրին ձեզ կճզմեն……………

  • Իսկ ես կավելացնեի — Եթե կա դժվար աշխատանք, ես այն անպայման հանձնարարում եմ ամենածույլ մարդուն, քանի որ նա կարող է գտնել մի հետաքրքիր մեթոդ, որով ավելի հեշտ կկատարի այդ առաջադրանքը: Ուոլտեր Քրայսլեր

  • Լիովին համաձայն եմ Ձեզ հետ հարգելի Luka ! Դժվարությունները մեր կյանքի մի մասն են և հաճախ դրանց միջով անցնելով մենք շատ բան ենք սովորում և կյանքին նայում այլ աչքերով 🙂
    Ինչպես միշտ, ոգևորող և հիանալի գրառում էր !!!

  • Մեկ աֆորիզմ էլ իմ կողմից.
    Շատ խելացի դառնալու համար խաղա ավելի խելացի մրցակցի հետ:

  • Շնորհակալություն հարգելի Լուկա…
    Առանց դժվարությունների մեր կյանքը անհետաքրքիր ու միապաղաղ կլիներ:

  • շատ լավն էր մանավանդ վերջի աֆորիզմը շատ դուրս եկավ….իմ կյանքի փորձից գիտեմ,որ ամեն ինչի մեջ ավելի լավա ընտրել պարզը, քան բարդը….:)

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»