Այս առավոտ զարթնեցի բարձր տրամադրությամբ և հիմա էլ գրում եմ այս հոդվածը բարձր տրամադրությամբ: Արևոտ տաք օր, 15 ժամ մինչև գիշերվա 12-ը և բազում անելիքներ: Ամեն օրը գեղեցիկ է յուրովի, ամեն օրն անչափ սպասելի: Ամեն օր 15 ժամ ստեղծագործելու, մտածելու, ստեղծելու և օրը վայելելու համար: Ամեն առավոտ պետք է զարթնել այնպես, կարծես դա նոր հնարավորությունների սկիզբն է՝ բարձր տրամադրությամբ, ոգևորությամբ և լի վճռականությամբ: Ես գիտեմ, թե ինչով եմ զբաղվելու այսօր: Եթե խոսենք գործերից, ապա ամեն օր ես պլանավորում եմ մի քանի կարևոր գործ, որպեսզի յուրաքանչյուր օրը տարբերվի մնացածից: Նաև օրվա ընթացքում մի քանի կարևոր բան անելը բարձրացնում է մարդու վստահությունը սեփական ուժերի հանդեպ, դարձնում է օրը լեցուն և հիմք է հանդիսանում հետագա հաջողությունների համար: Ես սիրում եմ զարթնել առավոտյան, քանի որ քնած ժամանակ մարդը ոչինչ չի անում…
Սովորաբար ասում են, որ ինչպես զարթնում ես առավոտյան, այնպես էլ անցնում է ողջ օրդ: Այդ պատճառով փորձեք ամեն առավոտ զարթնել բարձր տրամադրությամբ: Իսկ որպեսզի դա ձեզ մոտ ստացվի, պետք է ձեր վրա մի փոքր աշխատեք: Նախ քնելուց առաջ արդեն պատկերացրեք, թե ինչ եք անելու հաջորդ օրը: Նկատի չունեմ ամենայն մանրամասնությամբ, այլ ուղղակի ձեզ համար նշեք մի քանի հիմնական կետեր, որոնք պատրաստվում եք վաղը անել: Ցանկալի է, որ դրանք լինեն այնպիսի գործեր, որոնք սովորական չեն, որոնք առօրյա չեն, այլ ինչ-որ լրացուցիչ ջանք են ձեզանից պահանջելու և միգուցե ստիպելու են ձեզ դուրս գալ ձեր հարմարավետության գոտուց: Առավոտյան զարթնելիս մտածեք այդ գործերի մասին: Նաև ամեն օր զարթնեք շնորհակալ լինելով այն ամենի համար, ինչ դուք ունեք: Ես շնորհակալ եմ կյանքին այն ամենի համար, ինչ ես հիմա ունեմ և դա է ինձ ստիպում պարզ գիտակցությամբ առաջ գնալու մասին մտածել: Զարթնեք առույգ, առանց երերալու, հավատալով, որ այսօր դուք ձեր կյանքում ինչ-որ բան պետք է փոխեք: Սա շատ կարևոր է, այդ պատճառով կրկնում եմ ևս մեկ անգամ: Ամեն առավոտ զարթնելիս, հավատացեք, որ դուք այսօր ձեր կյանքում ինչ-որ բան պետք է փոխեք:
Կարծում եմ լավ տրամադրությամբ արթնանալու հարցում շատ կարևոր է, թե նախորդ օրը ինչ մտքերով ենք քնում :)))
Շատ լավն էր Լուկա ջան.. շատ լավ խորհուրդ էր.ես անպայման կկիրառեմ…չնայած հիմա առավոտ չէ,բայց այս վայրկրանից հավատացի,որ ես այսօր իմ կյանքում մի բան պետք է փոխեմ…հիմա գնամ և այս տրամադրվածությամբ շարունակեմ գործերս…շնորհակալություն էլի մոտիվացնելու համար…
Ok Lara ջան, խնդրեմ 🙂
ev zardneluc zguysh exeq dzax votqi vra chkangneq:),, Luka jan vonc nkar avelacnem profilis?
Geneross ջան, պիտի այն mail-ով, որը թողնում ես մեկնաբանություն գրելիս, գրանցվես այստեղ:
ha bayc im meknabanutyunner@ vor mailna? spaces.run te mail,ru?
spaces-ը Geneross ջան.
ԼՍԵՔ ՈՒՐԱԽ ԵՐԱԺՇՏՈՒԹՅՈՒՆ
Նույնպես համաձայն եմ Մեսրոպ ջան, օգնում է:
Լուկա ջան, ինչպես միշտ, լավ հոդված էր:
Շատ լավ խորհուրդ է, անպայման կկիրառեմ: Կարդալիս ես վերլուծում էի իմ ամեն օրվա սկիզբը և պիտի ասեմ, որ ինձ համար առավոտյան հարազատներիս ժպիտն է օգնում օրս հաճելի անց կացնելու համար:
Շնորհակալություն
Դա շատ լավ է Էմմա ջան..