Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Մարդկանց հետ շփում

Մի չարացեք մարդկանց վրա

Երբևէ տեսե՞լ եք դուք ֆիլմերում, թե ինչպես է եռում լավան հրաբուխի հսկայական խառնարանում: Կրակի կարմիր շիթերը վեր ու վար են ցայտում, լավան անհանգիստ այս ու այն կողմ է վազում, կարծես պատրաստվում է սարսափելի ինչ-որ բանի: Երկար ժամանակ լավան այդպես կարող է եռալ, բայց մի օր այն դուրս է ժայթքում: Լավան իր ճանապարհին սրբում է ամեն ինչ, քանդում, այրում, մինչև որ սառում և կանգ է առնում: Բայց եթե այն չլիներ անշունչ և կարողանար ետ նայել, իր ետևում կտեսներ միայն ավերվածություններ: Չարացած մարդու ներսում իր «լավան» է եռում: Այդ լավան այրում է նրան ներսից, փայլում է նրա աչքերում: Լավան կամ զայրույթը երկար կարող են եռալ մարդու ներսում, մինչև մի օր դրանք չեն դիմանում և դուրս են ժայթքում: Եվ կրկին ավերվածություններ, վնասված հոգիներ, չարություն…

Երբեք մի պահեք չարությունը Ձեր մեջ, մի չարացեք ոչ ոքի վրա: Չարացած մարդն ինքն իրեն է ներսից այրում: Չարացած մարդը քանդում է, այլ ոչ թե ստեղծում: Չարացած մարդու աչքերում զայրույթն է վառվում և նա չի տեսնում աշխարհն այնպիսին, ինչպիսին այն կա իրականում: Մարեք Ձեր մեջ չարության կրակը: Նայեք մեր պարզ ու զուլալ Արարատին և նայեք նկարում պատկերված գորշ հրաբխին: Ո՞րն եք դուք նախընտրում, ո՞րը կուզեիք Ձեր ներսում լիներ:

Իսկ հիմա փիլիսոփայականից անցնենք ավելի պրակտիկին: Մեր շրջապատում հաճախ մարդիկ կարող են ինչ-որ բան անել, որից հետո մենք սկսում են նրանց ատել, անգամ նրանց տեսնելուց մեր մեջ զզվանք ու չարություն է ծնվում, նրանց կողքին մենք մեզ անհանգիստ ենք զգում: Ազատվե՛ք այդ ամենից: Չարությունը լուծում չէ: Եթե խնդիր կա, փորձեք լուծել այն պարզ ու մաքուր գիտակցությամբ` առանց դիմացինին ատելու: Կարող է լինել այնպես, որ ինչ-որ պահի դուք ինչ-որ մեկի հանդեպ չարանաք: Եթե դա լինում է և այդ պահին դուք չեք կարող ղեկավարել դա, ոչինչ, ինչ եղել է, արդեն եղել է: Բայց մի երկար պահեք դա Ձեր մեջ: Կես ժամ հետո զղջացեք, որ դուք մարդու վրա չարացած եք եղել և հասկացեք, որ պետք չէր այդպես անել: Այդպես դուք ժամանակի ընթացքում կսովորեք ոչ ոքի վրա չչարանալ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»