Եթե կարդացել եք իմ նախորդ գրքերը, ապա այս մեկն ընթերցելիս ժամանակավորապես մոռացեք դրանք: Սա մոտիվացիոն գիրք չէ: Ընթերցելիս զգացմունքները փոփոխական կլինեն: Ներկայացված որոշ մտքերի հետ դուք անմիջապես չեք համաձայնվի, որոշ մտքերի հետ չեք համաձայնվի ընդհանրապես: Սակայն գրքի նպատակը իմ ներկայացրած մտքերն ընդունելը և դրանք ձերը դարձնելը չէ: Նպատակն այլ է. փորձենք մտածել ինքնուրույն՝ կտրվելով համամարդկային ընդհանուր մտածողությունից: Փորձենք ընդլայնել մեր գիտակցության սահմանները: Հուսով եմ՝ գիրքն օգտակար կլինի և կտեղափոխի ձեր մտածողությունը նոր հարթություն: Ընթերցեք և վերլուծեք ինքնուրույն: Այն ձեզ ոչինչ չի պարտադրում, ընդամենը հնարավորություն է տալիս ճանապարհորդել դեպի մեկ այլ իրականություն:


   


Հաջողության գաղտնիքներ

Ուզո՞ւմ եք փոխել Ձեր կյանքը: Կտրեք թելերը…

Երբ ալկոհոլիկը փորձում է ազատվել իր հիվանդությունից, փորձում է ամեն ինչ թողնել անցյալում և բարելավել իր կյանքը, նրա ալկոհոլիկ ընկերները չեն հասկանում դա և չեն ուզում բաց թողնել նրան: Նրանք չեն ուզում, որ իրենց ընկերը փոխվի. չէ՞ որ այդ դեպքում նա դուրս կմնա իրենց շրջապատից, նոր ընկերներ կգտնի: Այդ անցումային պահին ալկոհոլիկի համար էլ է շատ դժվար: Նա ինքն էլ հասկանում է. որպեսզի բարելավի իր կյանքը, նա ստիպված է լինելու հեռանալ իր «բաժակի» ընկերներից, այլապես նրանք կրկին կձգեն իրեն ներքև: Բայց նրա մտքով անցնում են այն բոլոր օրերը, երբ նրանք միասին են անցկացրել, եղել են անբաժան ընկերներ: Այդ մտքերը խանգարում են նրան, որպեսզի նա կանգնի բուժման ճանապարհին: Բայց որպեսզի բարելավի իր և հետագայում նաև` ընկերների կյանքը, նա պարտավոր է այդ քայլին դիմել:

Ալկոհոլիկի օրինակը միակը չէ: Երբ մարդը փորձում է փոխել իր կյանքը, ազատվել նախկին վատ սովորություններից կամ անցյալում թողնել դժվար կյանքն ու նորը սկսել, նրա նախկին կապերը թելի պես ձգում են իրեն ետ: Մի կողմից նա ուզում է փոխել իր կյանքը, մի կողմից էլ հասկանում է, որ որպեսզի անի դա, նա ստիպված է լինելու կտրել թելերը: Հըմմմ… ի՞նչ անել: Կտրե՛ք թելերը: Եթե ինչ-որ մարդիկ «թույլ չեն տալիս» Ձեզ նոր կյանք սկսել, ժամանակավորապես հրաժարվեք նրանցից, այլապես Ձեզ երբեք էլ չի հաջողվի Ձեր կյանքը փոխել: Դրանով դուք այդ մարդկանց վատություն չեք անում, դուք ուղղակի փորձում եք բարելավել սեփական կյանքը: Եվ երբ դա Ձեզ հաջողվի և դուք կայանաք, դուք կարող եք օգնել նաև այդ մարդկանց նույնպես բարելավել իրենց կյանքը: Այսինքն, ալկոհոլիկը, երբ լիովին բուժվի, արդեն կայացած մարդ լինի, ունենա աշխատանք, տուն, մեքենա, նոր ընկերներ, նա կարող է այդ ամենը ցույց տալ իր նախկին ընկերներին և ասել. «Դուք նույնպես կարող եք ունենալ սա, թույլ տվեք օգնել ձեզ»: Եվ շատերը թույլ կտան: Այդպես կփոխվեն մի քանի կյանքեր: Հակառակ դեպքում` գուցե ոչինչ էլ չփոխվի:

Հեղինակի մասին

Հրաչյա Մանուկյան

Անձնային աճի և ինքնազարգացման գծով հեղինակ, Հաջողության բլոգի հիմնադիր, «Փոխիր կյանքդ» և «Կամքի ուժ. ինչպես ղեկավարել սովորությունները» գրքերի հեղինակ:

Մեկնաբանել

«Ոչ ստանդարտ» գիրք

Մեր օրերում մարդիկ իրենց ժամանակի մեծ մասը տրամադրում են աշխատանքին և գումար վաստակելուն: Ժամանակի մյուս մասը, երբ նրանք չեն աշխատում, աշխատանքով են զբաղված նրանց մտքերը: Ես միշտ դեմ եմ եղել առավոտից մինչ ուշ երեկո աշխատելուն՝ լավ արդյունքներ ունենալու համար: Դրա փոխարեն պետք է ստեղծել արդյունավետ համակարգեր, որոնց շարժիչ գործոնը ժամանակը չէ: Ժամանակի ավելացած մասը կարելի է օգտագործել մտածելու, վերլուծելու նպատակով: Ժամանակի որոշակի հատված անպայման պետք է տրամադրել մտածելուն:

 
error: Կյանքն ավելի հրաշալի է, երբ ստեղծում ես սեփական «բովանդակությունը»