Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Աֆորիզմներ

Աֆորիզմներ. վախ և նպատակ

Հեղինակ՝ Vahjan

Ում բերել են դեպի նպատակը, նա իրավունք չունի կարծելու, որ հասել է դրան (Է.Էշենբախ):

Մեծ մտածողներն իրենց առաջ նպատակներ են դնում. մնացած մարդիկ հետևում են իրենց ցանկություններին (Իրվինգ):

Իր ուղու սկիզբն ընտրողը դրանով իսկ ընտրում է այն ճակատագիրը, դեպի որը տանում է այդ ուղին (Ֆոսդիկ):

Գլխավորն այս աշխարհում այն չէ, թե որտեղ ենք մենք կանգնած, այլ այն, թե որ ուղղությամբ ենք շարժվում (Հոլմզ):

Ոչ մի նպատակ այնքան բարձր չէ, որպեսզի արդարացնի նրան հասնելու անվայել միջոցները (Ա.Էյնշտեյն):

Անհաջողությունը հանցագործություն չէ. հանցալից է քո առաջ սեփական հնարավորություններից ցածր նպատակներ դնելը (Լոուել):

Նպատակասլաց մարդը միջոցներ է գտնում, իսկ երբ չի կարողանում գտնել, ստեղծում է (Չենինգ):

Կատակի մեջ միշտ լուրջ նպատակ է թաքնված (Վալես):

Ումից վախենում են շատերը, նա ինքն է շատերից վախենում (Սենեկա Կրտսեր):

Երբեմն վախն աղետի հանդեպ ավելի մեծ աղետի է հանգեցնում (Բուալո):

Անմտություն է վախենալ նրանից, ինչն անխուսափելի է (Պուբլիլիոս Սիրոս):

Վաղվա վերաբերյալ մեր նախագծումների իրագործումների միակ խոչընդոտները կարող են լինել մեր այսօրվա տարակույսները (Ֆ.Ռուզվելտ):

Մարդիկ, որոնք կամենում են սարսափ ներշնչել, դրանով իսկ ցույց են տալիս, որ իրենք վախկոտներ են (Էմերսն):

Չպետք է թողնել, որ վախը թելադրի խելքին (Դանթե):

Տաքարյուն ձին հեծյալի հետ միասին կարող է իր վիզը կոտրել հենց այն կածանի վրա, որով զգուշավոր էշը գնում է առանց սայթաքելու (Լեսինգ):

Հեղինակի մասին

Vahjan

Ողջույն, ես vahjan777.blogspot.com բլոգի հեղինակն եմ: Իմ բլոգում տեղ են գտել նորություններ, տարբեր ծրագրեր, հետաքրքիր կայքեր: Այցելելով իմ բլոգ յուրաքանչյուր մարդ կգտնի իր ճաշակով ինֆորմացիա:

3 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»