Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Իմաստունն ու խնձորը

Մի անգամ աշակերտները գալիս են իմաստունի մոտ և հարցնում.
    — Ուսուցիչ, արդեն քանի ամիս է մենք սովորում ենք քեզ մոտ, լսում ենք քո խորհուրդները, անում ենք այն, ինչ դու ես ասում, բայց արդյունքը չենք տեսնում: Միգուցե՞ մենք չենք կարող քեզ պես իմաստուն դառնալ:

Ուսուցիչը վեր է կենում տեղից, մոտենում է ծառին, քաղում է ճյուղից կախված խնձորը և առաջ պարզելով այն՝ պատասխանում.
    — Նայեք այս խնձորը: Այն միանգամից չի եղել: Սկզբում եղել է սերմը, սերմը ջրվել ու մշակվել է, ապա դուրս են եկել առաջին ծիլերը, տարիների ընթացքում այդ ծիլերը դարձել են ծառ, ծառը մեծացել է և մի օր էլ բերք է տվել: Այն գիտելիքները, որ դուք հիմա ստանում եք, դրանք ընդամենը սերմերն են, որոնք պետք է ջրեք, մշակեք, որպեսզի մի օր դրանք բերք տան:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»