Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Հնարավորությունը չի թակում երկու անգամ

— Տուկ-տուկ,
— Ո՞վ է..
— Քո հնարավորությո՛ւնը,
— Խաբում ես,
— Ինչո՞ւ,
— Հնարավորությունը չի թակում երկու անգամ:

Այսպիսի հումորային մեջբերումով սկսեցի այսօրվա հոդվածը, բայց այն ամբողջությամբ արտահայտում է այն միտքը, որի մասին խոսելու եմ այստեղ:

Հնարավորություններ բոլորիս կյանքում էլ լինում են: Խոսքն այնպիսի հնարավորությունների մասին է, որոնք իվիճակի են փոխել մեր կյանքը: Ես չեմ հավատում, որ աշխարհում կա մի մարդ, որի կյանքում նման հնարավորություն երբեք չի եղել՝ լինի այդ մարդը դժբախտ, աղքատ, միայնակ, թե հիվանդ: Պարզապես որոշ մարդիկ կարողանում են նկատել հնարավորություններն ու օգտագործել դրանք, իսկ մյուսներն անցնում են դրանց կողքով:

Հնարավորություններն օդից չեն ընկնում, այսինքն դա «նստել թախտին, սպասել բախտին» տարբերակը չէ: Իհարկե, եզակի դեպքերում հնարավոր է նաև այդպես լինի, բայց եկեք այդ տարբերակը միանգամից բացառենք, քանի որ դրան սպասել, նշանակում է սպասել, որ հորդառատ գետի մեջ լողացող թղթե նավակը հանկարծակի կարող է հայտնվել ափում: Հնարավորություններ ստեղծում ենք մենք ինքներս: Ստեղծում ենք ոչ թե կոնկրետ հնարավորությունը, այլ ստեղծում ենք միջավայրը, որը ձգում է տվյալ հնարավորությունը: Օրինակ, եթե մի օր Դուք ծանոթանում եք հայտնի դիզայներական ընկերության տնօրենի հետ և նա Ձեզ աննախադեպ համագործակցության առաջարկ է անում, պատճառն այն չէ, որ բախտը Ձեզ ժպտաց, պատճառն այն է, որ Դուք գնացել էիք այն ցուցահանդեսին, որտեղ ներկա էր այդ մարդը: Այսինքն, Դուք եք Ձեզ վրա կրում ողջ պատասխանատվությունը, Դուք ինքներդ «ձգեցիք» այդ հնարավորությունը:

Կյանքի ընթացքում մեզ կարող են շատ հնարավորություններ հանդիպել. պարտադիր չէ օգտագործել դրանք բոլորը: Դրանցից միայն մեկը կարող է ամեն ինչ փոխել: Պարզապես հիշեք, որ նման հնարավորությունները երկար չեն սպասում: Դրանք գալիս են մի ակնթարթ և անցնում Ձեր կողքով: Հասցրեցի՞ք նկատել դրանք և կառչել՝ կշահեք, ո՞չ՝ ստիպված կլինեք շարունակել սպասել:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

7 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»