Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Բիզնես և ֆինանսներ

Նոթատետր ոսկերիչների համար

Այս հոդվածը կրկին ստեղծելու, հայ տղայի և գաղափարն իրականություն դարձնելու մասին է: Վարդանը երբեմն լինում էր ոսկու շուկայում և նկատել էր, որ ոսկերիչներն իրենց գրառումներն անում են սովորական նոթատետրերում, տետրերում, թղթերի վրա: Բայց քանի որ այդ գրառումները հիմնականում վերաբերվում են զարդերի առք ու վաճառքին, ապա կան ստանդարտ աղյուսակներ, որոնք մարդիկ ամեն անգամ ձեռքով են գծում և լրացնում: Եվ հենց այդ ժամանակ էլ նրա մտքով անցնում է` ինչ լավ կլիներ, եթե լիներ մասնագիտական նոթատետր զարդերի առևտրով զբաղվող մարդկանց համար, որպեսզի նույն բանն ամեն անգամ նրանք ձեռքով չգծեն: Գաղափարը կար, մնում էր իրագործել:

Մասնագիտությամբ Վարդանը դիզայներ է: Նա սկսում է նախագծել նոթատետրի ներքին դիզայնը, կազմը, ավելացնում է ոսկերչական որոշ մասնագիտական աղյուսակներ` նոթատետրի սկզբում և վերջում: Ամեն ինչ պատրաստ էր` մնում էր տպագրել: Սովորաբար այս պահին մարդկանց մոտ կասկածներ է առաջանում` իսկ կվաճառվի արդյո՞ք ապրանքը, դուր կգա՞ մարդկանց, օգտակար կլինի՞: Այդ կասկածները կային նաև Վարդանի մոտ, բայց դրանք երկար չտևեցին: Նա գիտեր, որ ցանկացած գաղափար, որ մտքովդ անցնում է, պետք է իրագործես: Եթե չփորձես, հետո փոշմանելու ես ու գաղափարներից հրաժարվելը կամաց-կամաց սովորություն է դառնալու: Եվ նոթատետրերի առաջին խումբը տպագրվում է: Այս պահին, երբ գրում եմ այս հոդվածը, գրեթե բոլոր նոթատետրերը վաճառվել են և Վարդանը արդեն մտածում է նոր` այլընտրանքային նոթատետրի մասին, որը համոզված է` մասնագիտական շրջանակներում կվաճառվի նույն հաջողությամբ:

Ինչո՞ւ ուզեցա այնպայման պատմել այս պատմությունը: Որովհետև շատերի մոտ անընդհատ հարց է ծագում` ի՞նչ անել այսօր Հայաստանում: Հնարավորություններ տարբեր անկյուններում կան, պարզապես պետք է տեսնել դրանք և օգտագործել: Կարելի է սկսել փոքրիկ գաղափարներից, իրականություն դարձնել դրանք, զգալ հաջողության համը և կամաց-կամաց ավելի մեծ քայլերի անցնել: Երբ մենք ուղղակի պարապ նստում ենք և ոչինչ չենք անում, ոչինչ էլ չի փոխվում, իսկ եթե ինչ-որ կոնկրետ քայլեր ենք ձեռնարկում, դա հիմք է հանդիսանում հետագա հաջողությունների համար:

Այստեղ կարող է լինել նաև հաջողության Ձեր պատմությունը:

Նոթատետր

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

6 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»